20 ნოემბერს პორტუგალიაში ერთსქესიანი წყვილებისათვის ბავშვის აყვანა დაკანონდა. დღეიდან მათ უპრობლემოდ შეუძლიათ შვილის აყვანის პროცედურების გავლა.
,,ძალიან ვამაყობ ჩემი ქვეყნით. მართალია, ამ კანონის მიღებას დიდი ხანია დასჭირდა, ,,მაგრამ სჯობს გვიან, ვიდრე არასდროს!“ მინდა ყველას მივულოცო ეს დღე !“ – აღნიშნავს პორტუგალიელი მოდელი, Victoria’s Secret-ის ანგელოზი – სარა სამპაიო.
ჰომოსექსუალი წყვილებისთვის ბავშვის აყვანის ლეგალიზება ძირითადად 2000-იანი წლებიდან დაიწყო. ამ მხრივ, პირველი ნაბიჯები ინგლისში, ჰოლანდიაში, ისლანდიაში, ბელგიაში, ესპანეთსა და შვედეთში გადაიდგა. სამოქალაქო კავშირში მყოფი წყვილისთვის ეს შესაძლებელია გერმანიაში, დანიასა და ნორვეგიაში.
ისრაელში, ფინეთსა და ავსტრალიაში გარკვეული შეზღუდვებით დაშვებულია. ასევე ლეგალურია სამხრეთ აფრიკაში, ანდორაში, არგენტინაში, ბრაზილიასა და ურუგვაიშ. რაც შეეხება აშშ-ს, აქ მსგავსი ფედერალური კანონი არ არსებობს, თუმცა, რამდენიმე შტატის კანონმდებლობა ჰომოსექსუალი წყვილებისათვის ბავშვის აყვანის უფლებას იძლევა.
ნატალია ჯალაღონია
