ჩვენ გავანადგურებთ “ისლამურ სახელმწიფოს” და ნებისმიერ სხვა ორგანიზაციას, რომელიც აშშ-სთვის ზიანის მოტანას შეეცდება, – ამის შესახებ შეერთებული შტატების პრეზიდენტმა ბარაკ ობამამ განაცხადა. საგანგებო მიმართვა ობამამ თეთრ სახლში გააკეთა. აშშ-ს პრეზიდენტმა ბარაკ ობამამ პირობა დადო, რომ შეერთებული შტატები ტერორიზმს დაამარცხებს.
ბარაკ ობამას თქმით, ამერიკა არ იქნება ერაყსა და სირიაში სახმელეთო ოპერაციებში ჩართული, მაგრამ ირწმუნება, რომ „ისლამური სახელმწიფოს“ დაჯგუფებას გაანადგურებს.
„ტერორიზმის საფრთხე რეალურია, თუმცა ჩვენ მას მოვერევით. ჩვენ გავანადგურებთ „ისლამურ სახელმწიფოს“ და ყველა იმ ორგანიზაციას, რომელიც ცდილობს ზიანი მოგვაყენოს. ჩვენი სამხედროები განაგრძობენ ტერორისტული დაჯგუფებების წინააღმდეგ ბრძოლას ნებისმიერ ქვეყანაში, სადაც საჭირო იქნება. ასევე, განვაგრძობთ ერაყისა და სირიის ტერიტორიაზე სამხედრო ძალების ტრეინინგს და აღჭურვას, რომლებიც „ისლამური სახელმწიფოს“ წინააღმდეგ იბრძვიან,” – აღნიშნა ბარაკ ობამამ.
