დატვირთული სამუშაო თუ სასწავლო დღის შემდეგ, შოპინგზე წასვლა ბევრი ქალბატონისა და უკვე მამაკაცისთვისაც, განტვირთვისა და გართობის ერთ-ერთ საუკეთესო საშუალებად იქცა. რამდენიმე წლის წინ, ეს პროცესი ალბათ, არც ისე სასიამოვნო იყო ჩვენთვის, რათა არჩევანის მცირე საშუალება გვქონდა მაღაზიების სიმცირისა და მაღალი ფასებიდან გამომდინარე. დღესდღობით, სიტუაცია დადებითი კუთხითაა შეცვლილი. ჩვენს ბაზარზე მეტ-ნაკლები თანაფარდობით, წარმოდგენილია სხვადასხვა ბრენდის მაღაზიები, რომელთა რიცხვი კიდევ უფრო იზრდება, რაც, პირველ რიგში, ამ ბიზნესის წარმატებაზე მიუთითებს.
„თბილისი თაიმსი“, ბაზარზე არსებული მდგომარეობით დაინტერესდა.
თუ რომელ ბრენდს ანიჭებს უპირატესობას მომხმარებელი, შეძენისას პირველ რიგში რას აქცევენ ყურადღებას – ფასს, ხარისხსა თუ დიზაინს, რომელი ბრენდია სპორტსმენთა ფავორიტი, ამის გასარკვევად, გადავწყვიტე შოპოჰოლიკების ერთ-ერთ საყვარელ ადგილს, „თბილისი მოლს“ ვსტუმრებოდი. აქ როგორც ყოველთვის, ხალხმრავლობა დამხვდა, რამაც საშუალება მომცა ქალბატონები, მამაკაცები და პატარა ბავშვების მშობლებიც შემეწუხებინა რათა ზემოთ ნახსენები კითხვებისთვის პასუხი გამეცა. (რთული აღმოჩნდა მათთან კომუნიკაცია, ძირითადად თავს არიდენდნენ გამოეხატათ საკუთარი პოზოცია, აზრი).
გამოკითხვით გაირკვა, რომ ქალბატონების და მამაკაცების უმეტესობა, შეძენისას, ფასს ანიჭებს მნიშვნელობას, შემდეგ უკვე ხარისხს და დიზაინს. მაღაზიები კი, თავის მხრივ, ცდილობენ ფასის შესაბამისი ხარისხისა და დიზაინის პროდუქტი მიაწოდოს მომხმარებელს, რათა, გაზარდონ მათი რიცხვი და, შესაბამისად, შემოსავლებიც. თუ რომელი ბრენდი ახერხებს ამას ყველაზე კარგად, გამოკითხვის შედეგებით შეგვიძლია გავიგოთ: გამოკითხულთა უმეტესობამ (დაახლოებით 70%- მა), როგორც მამაკაცების, ასევე ქალბატონების, საყვარელ მაღაზიად ესპანური ბრენდი – Zara დაასახელა, ბავშვის მშობლები კი უპირატესობას Waikiki-სა და Bebe + ანიჭებენ. მართალია Pull & Bear-ს, Zara-სთან შედარებით, მცირე რაოდენობის ფილიალები აქვს, თუმცა, ამ უკანასკნელის შემდეგ, სწორედ Pull & Bear იკავებს ღირსეულ ადგილს გამოკითხვაში, რომელსაც უპირატესობას უფრო მამაკაცები ანიჭებენ. სპორტსმენების ფავორიტი ბრენდი – Nike აღმოჩნდა, საქართველოში, Nike-ს აშკარად სრული უპირატესობა აღმოაჩნდა თავის ერთ-ერთ მთავარ კონკურენტთან, Adidas-თან შედარებით.
ეს გახლავთ ბლიც-გამოკითხვიდან მიღბული შედეგები, რომლებიც, სავარაუდოდ, თანაბრად საინტერესო უნდა იყოს, როგორც მომხმარებლებისთვის, რათა პროდუქტის საუკეთესო რეკლამა ყოველთვის ხალხის სიმპათიაა, ასევე მწარმოებლებისთვის, რათა, შეიტყონ ბაზარზე წამყვანი ბრენდების შესახებ და გაიცნონ თავიანთი კონკურენტები.
მარიამ ტაკაშვილი
