ალილოს მონაწილეებს შობის ბრწყინვალე დღესასწაული საქართველოს პრეზიდენტმა გიორგი მარგველაშვილმა მიულოცა.
ალილოს მონაწილეთა ერთი ჯგუფი პრეზიდენტის რეზიდენციაში იმყოფებოდა, სადაც მას გიორგი მარგველაშვილი მეუღლესთან ერთად და პრეზიდენტის ადმინისტრაციის წევრებთან ერთად დახვდა. პრეზიდენტმა და მისმა მეუღლემ პატარებს შობის დღესასწაული მიულოცეს და რამდენიმე კალათი ტკბილეული გადასცეს.
“მინდა მთელ საქართველოს მაცხოვრის შობის დღესასწაული მივულოცო, რომელთანაც კავშირდება ის საოცარი სიყვარული, რომელიც მაცხოვრამა მოიტანა ამ ქვეყანაზე, სამყაროში. ამის შემდეგ კაცობრიობა შეიცვალა და ცხოვრობს სიყვარულის, შენდობის და პოზიტიური ემოციების დამკვიდრების მცდელობით. ყოველ წელს არის ამის შესაძლებლობა ამ ძალამ კიდევ ერთხელ გაიღვიძოს ჩვენში”, – განაცხადა საქართველოს პრეზიდენტმა გიორგი მარგველაშვილმა ჟურნალისტებთან საუბრისას.
პრეზიდენტმა და მისმა მეუღლემ მთელ საქართველოს შობის დღესასწაული მიულოცა. ალილოს მონაწილეები უკვე ყოვლადწმინდა სამების ტაძრის ეზოში იმყოფებიან, სადაც სასულიერო პირები პარაკლისს გადაიხდიან.
