ტელეკომპანია “მაესტროს” გადაცემების: “კონტაქტი”, “მაესტროს ფაქტორი”, “ბიზნესკონტაქტი”, “საქმიანი დილა”, “ერთი წუთი მაესტროზე” ჟურნალისტები განცხადებას ავრცლებენ.“კიდევ ერთხელ, “მაესტროზე” არსებული ყველა ტელეპროექტის სახელით, გვსურს განვაცხადოთ, რომ თანამშრომლები, როგორც განცხადებაშია აღნიშნული, აგრძელებენ საქმიანობას და უზრუნველყოფენ ყველა გადაცემისა და საინფორმაციო სამსახურის ეთერში უწყვეტობას.
“სასამართლო დავის დასრულებამდე, ვითხოვთ, არხის გენერალური დირექტორის უფლებამოსილება შეასრულოს ბაია გადაბაძემ. ვადასტურებთ, რომ ბაია გადაბაძეს აქვს სრული ლეგიტიმაცია, ისაუბროს “მაესტროს” გუნდის სახელით.
ასევე, ვიტოვებთ იმედს, რომ მიმდინარე პროცესები ხელს არ შეუშლის არხის შეუფერხებლად მუშაობას და მოგვეცემა შესაძლებლობა, შევასრულოთ პროფესიული მოვალეობა”, – აღნიშნულია განცხადებაში.
