თურქეთის დედაქალაქ ანკარაში მომხდარ აფეთქებასთან დაკავშირებით, თურქეთში საქართველოს საელჩოს ცხელი ხაზი მოქმედებს: +90 53 36 90 30 40“საქართველოს საგარეო საქმეთა სამინისტრო ღრმა მწუხარებას გამოხატავს 2016 წლის 13 მარტს, თურქეთის დედაქალაქის, ანკარის ცენტრში მომხდარ აფეთქებასთან დაკავშირებით, რომელსაც მოჰყვა მსხვერპლი და დაშავდა არაერთი ადამიანი. საქართველოს საგარეო საქმეთა სამინისტრო გმობს ძალადობის ამ ბარბაროსულ გამოვლინებას და თანაგრძნობას უცხადებს გარდაცვლილთა და დაშავებულთა ოჯახის წევრებსა და ახლობლებს და ამ მძიმე განსაცდელის ჟამს სოლიდარობას უცხადებს თურქეთის რესპუბლიკის მთავრობასა და ხალხს”, – ნათქვამია უწყების განცხადებაში. შეგახსენებთ, რომ თურქეთის დედაქალაქ ანკარაში აფეთქება ავტობუსის გაჩერებაზე, ერთ-ერთი ბიზნეს-ცენტრის სიახლოვეს მოხდა. ბოლო მონაცემებით, დაიღუპა 34, ხოლო დაშავდა 125 ადამიანი.
