რუსეთის საგარეო საქმეთა სამინისტრო აშშ-ს სახელმწიფო დეპარტამენტის მიერ გამოქვეყნებულ ანგარიშს ეხმაურება, ყველა ბრალდებას უარყოფს და აშშ-ს კიდევ ერთხელ ახსენებს რომ „აფხაზეთი და სამხრეთ ოსეთი სუვერენული ტერიტორიებია”.
აშშ-ს სახელმწიფო დეპარტამენტმა გამოაქვეყნა ანგარიში სახელწოდებით „შეიარაღებაზე კონტროლის, გაუვრცელებლობისა და განიარაღების შესახებ საერთაშორისო შეთანხმებების დაცვის შესახებ 2012 წელს”, რომელშიც არის მონაცემები სხვა სახელმწიფოების მიერ ხელშეკრულებითი ვალდებულებების შესრულების შესახებ.
„როგორც წინა წლებში აშშ აგრძელებს ხმამაღლა იმის მტკიცებას, რომ რუსეთი თითქოს არღვევს თავის ვალდებულებებს რიგ საერთაშორისო ხელშეკრულებებში. ეჭვქვეშ დგება რუსეთის მიერ ბიოლოგიური და ტოქსინური იარაღის აკრზალვის კონვენციის შეუსრულებლობა. დამადასტურებელი მასალა კი როგორც ყოველთვის მოყვანილი არ არის”, _ ნათქვამია რუსეთის საგარეო საქმეთა სამინისტროს მიერ გავრცელებულ განცხადებაში
და იქვე აღნიშნულია, რომ აშშ-ს მიერ გამოქვეყნებულ ანგარიშში რუსეთი დადანაშაულებულია ქიმიური იარაღის აკრძალვის შეთანხმების დარღვევაში, ე.წ. დოვსეს ხელშეკრულების შეუსრულებლობაში. რუსეთის საგარეო საქმეთა სამინისტრო ყველა ამ ბრალდებას რა თქმა უნდა უარყოფს და ყურადღებას ამახვილებს იმაზე, რომ აშშ-ს ანგარიშში საქართველოზეც არის საუბარი.
„დღეისათვის აშშ-ს მონაწილეობით მიმდინარეობს გზების ძიება „ევროპაში ჩვეულებრივი შეიარაღების კონტროლის შესახებ” რეჟიმის მოდერნიზაციის საკითხებში (კოვე). იმედი გვაქვს, რომ ჩვენმა პარტნიორებმა გასული გამოცდილებიდან შესაბამისი გაკვეთილი მიიღეს და მომავალში თავს შეიკავებენ დამღუპველი მცდელობებისაგან – წინასწარ პირობების წაყენებით ან ამ რეჟიმის მოდერნიზაციის მიბმით ლოკალური კონფლიქტების დარეგულების საკითხებისა.
რაც შეეხება ანგარიშის პასაჟებს საქართველოსთან დაკავშირებით, აქ დროულია შევახსენოთ, რომ რეალობა ისეთია, რომ აფხაზეთი და სამხრეთ ოსეთი სუვერენული სახელმწიფოები არიან და სურვილის არქონა ამის გათქვალისწინებისა ნეგატიურად აისახება „ევროპაში ჩვეულებრივი შეიარაღების კონტროლის შესახებ” რეჟიმის მოდერნიზაციის პერსპექტივებზე”, _ ნათქვამია რუსეთის საგარეო საქმეთა სამინისტროს განცხადებაში.
24.07.13
