„ნაციონალური მოძრაობის“ მხარდამჭერთა ნაწილი უარყოფითად შეხვდა გიორგი ვაშაძის წასვლას. ის ომახიანი, შემართული ლიდერია. ფიქრობენ, რომ „ნაციონალური მოძრაობა“ ზედმეტად აკადემიური და მშვიდია. მათ აკლიათ ზუსტად ისეთი აგრესიულობა, როგორიც ჰქონდა გიორგი ვაშაძეს,“ – ამის შესახებ ისაუბრა პოლიტიკურმა ექსპერტმა გია ნოდიამ ტელეკომპანია „იმედზე“ გადაცემა „ქრონიკის სტუდიის“ ეთერში.
მან ისაუბრა ასევე ამომრჩეველთა დამოკიდებულებებზე, ბიძინა ივანიშვილის ფაქტორზე „ქართულ ოცნებაში“ და პრემიერ-მინისტრის სისუსტეებზე.
„ერთი მხრივ კარგია, რომ „ნაციონალური მოძრაობა“ აღარ აღიქმება მხოლოდ მიხეილ სააკაშვილის პარტიად, ეს ნორმალურია. ერთი კაცის არ უნდა იყოს პარტია.
ამომრჩევლების ნახევარი არის დაბნეული, ამიტომ რთულია წინასწარმეტყველება. ეს არ ნიშნავს, რომ გიორგი ვაშაძე ან სალომე ზურაბიშვილი რაიმეს გადაატრიალებენ. მეტი შანსი შესაძლოა პაატა ბურჭულაძეს ჰქონდეს. მნიშვნელოვანია დამაჯერებლობა და სანდოობა.
საეჭვოა „ქართულმა ოცნებამ“გააკეთოს ისეთი რამ, რითაც ხალხს დააჯერებს, თითქოს ბიძინა ივანიშვილი არ არის მათი რეალური ლიდერი. ამას პრინციპულად ვერ გააკეთებენ, ჯობს მეტი სიმართლე. უკეთესი იქნება ივანიშვილი ღიად ჩაერთოს პროცესებში.მის არ გამოჩენას და მტკიცებას, თითქოს არაფერ შუაშია, მინც არავინ დაიჯერებს. ჯობს ეს მაინც არ დამალონ და თქვან ვინ არის მთავარი ფაქტორი.
მმართველი პოლიტიკური გუნდი არ ასოცირდება პრემიერ-მინისტრთან. ყველა ინდიკატორი აჩვენებს, რომ გიორგი კვირიკაშვილი დამოუკიდებელი პოლიტიკური ფიგურა არ არის. შეუძლებელია ახალი პრემიერ- მინისტრი მოვიდეს და არც ერთი ახალი მინისტრი არ დანიშნოს. საკადრო ცვლილებები მინიმალურად აუცილებელია. ახალი უფროსი რეალურად ამჩნევს დაღს. მისი განსხვავებულობა ღარიბაშვილისგან არის მხოლოდ რიტორიკა. საქმით სხვა არაფერი გაუკეთებია. იმის დაჯერება, რომ გიორგი კვირიკაშვილი დამოუკიდებელი ფიგურაა, არის წარმოუდგენელი,“ – განაცხადა გია ნოდიამ.
მანანა ღოღობერიძე
