საქართველოს პროკურატურის დელეგაციამ მთავარი პროკურორის ირაკლი შოთაძის ხელმძღვანელობით დაასრულა სამუშაო ვიზიტი ამერიკის შეერთებულ შტატებში.
ვიზიტის ფარგლებში საქართველოს მთავარმა პროკურორმა სხვადასხვა სამუშაო შეხვედრები გამართა, რომელზეც განხილული იყო საქართველოს პროკურატურის მიერ გატარებული რეფორმები და ამერიკის შეერთებული შტატების სხვადასხვა უწყებების სპეციფიკა და გამოცდილება.
ვიზიტის ფარგლებში საქართველოს პროკურატურის დელეგაცია ამერიკის შეერთებული შტატების გენერალური პროკურორის მოადგილეს სალი იეიტსის შეხვდა.
საქართველოს მთავარმა პროკურორმა ირაკლი შოთაძემ აშშ-ს გენერალური პროკურორის მოადგილეს საქართველოს პროკურატურაში განხორციელებული, მიმდინარე და დაგეგმილი რეფორმები გააცნო,ასევე ესაუბრა პროკურატურის განვითარების ექვსწლიანი სტრატეგიის დოკუმენტის შემუშავებაზე, რაშიც საქართველოს პროკურატურას აშშ-ს საელჩო საქართველოში აქტიურ დახმარებას უწევს. საუბარი შეეხო უწყების პრიორიტეტებსა და საქართველოს პროკურატურის განვითარების სამომავლოგეგმებს.
აშშ-ს გენერალური პროკურორის მოადგილემ სალი იეიტსიმ საქართველოს პროკურატურაში განხორციელებული რეფორმები და ბოლო პერიოდში სისხლის სამართლის პოლიტიკის ლიბერალიზაციის კუთხით გაწეული სამუშაო დადებითად შეაფასა და საქართველოს პროკურატურისგანვითარებაში ექსპერტულ დონეზე მხარდაჭერისა და დახმარების მზაობა გამოთქვა. შეხვედრაზე ხაზი გაესვა უწყებების თანამშრომლობის გაღრმავებას და ამ მიმართულებით სამომავლო გეგმებიდაისახა.
ვიზიტის ფარგლებში საქართველოს პროკურატურის დელეგაციამ, რომელსაც მთავარ პროკურორთანერთად მთავარი პროკურორის მოადგილე გიორგი გოგაძე და ქ. თბილისის პროკურორი მიხეილშაყულაშვილი წარმოადგენდნენ, შეხვედრები გამართა აშშ-ს გამოძიების ფედერალური ბიუროსდირექტორთან ჯეიმს კომეისთან, კოლუმბიის ოლქის პროკურორთან ჩენინგ ფილიფსთან, აშშ-სპროკურორთა აღმასრულებელი ოფისის დირექტორთან მონტი ვილკინსონთან, აშშ-ს იუსტიციისდეპარტამენტის საერთაშორისო საქმეთა ოფისის წარმომადგენლებთან, კოლუმბიის ოლქისსასამართლოს მოსამართლე რასელ ფ.ქანანთან და დიპლომატიური უსაფრთხოების სფეროში სახელმწიფო მდივნის თანაშემწე გრეგორი სთართან.
