„ისინი გარკვეულ იარლიყებს აწებებენ ყველას,ვინც პოლიტიკაში მტრად, ბუად მიაჩნიათ. კარგად ისწავლეს ეს ტაქტიკა და ყველა პარტიას, რომლისიც ეშინიათ, მაგალითად ჩვენ და „თავისუფალ დემოკრატებს“ გვაბრალებენ, რომ ვართ ნაციონალების სატელიტი“. ამის შესახებ პარტია „საქართველოს ხალხისთვის“ წევრმა მერაბ მეტრეველმა „ტვ-პირველზე“, გადაცემა „ვახო სანაიას დღის ამბებში“ ისუაბრა.
„ერთ-ერთი მთავარი მიზეზი, რის გამოც პოლიტიკაში ჩართვა და ხელისუფლების წინააღმდეგ ბრძოლა გადავწყვიტე არის ის, რომ „ქართული ოცნება“ თითქმის ყველაფერში დაემსგავსა „ნაციონალურ მოძრაობას“. იარლიყების მიწებების ტაქტიკა საკმაოდ მოძველებულია. თავის დროზე სააკაშვილისთვის ბუა იყო პუტინი და ახლა „ქართული ოცნებისთვის“ ბუა არის სააკაშვილი.
როდესაც პარტიაში ჩემი გაერთიანების შესახებ მოლაპარაკებები მიმდინარეობდა,დავსვი ორი მთავარი კითხვა. ხომ არ იყო ეს პარტია რუსეთთან დაკავშირებული და მეორე, ხომ არ უკავშირდებოდა „ნაციონალურ მოძრაობას“. ორივე კთხვაზე ბატონი პაატასგან მივიღე უარყოფითი პასუხი და მე მას ვენდე. ხომ არ ვეტყოდი დედა დაიფიცე მეთქი.სხვანაირად ვერანაირ მტკიცებულებას ვერ მოვითხოვდი.
თუ რაღაც არის თეთრი და ნაციონალური მოძრაობა ამას ამბობს, ხომ არ გამოხვალ და იტყვი რომ ეს არის წითელი? ეს ლოგიკა არ არის. ამ შემთხვევაში არის მოცემულობა,რომელსაც ყველა ხედავს. შესაბამისად პოზიციები დაემთხვევა ერთმანეთს.ყველა ხედავს ვინ არის არაფორმალური მმართველი,“ – განაცხადა მერაბ მეტრეველმა.
მანანა ღოღობერიძე
