„რა თქმა უნდა ხაბარელი და კალაძე არ გამოვა და არ იტყვის, რომ მათ ჩაუშვეს ზონდერები. კალაძე ამით ცდილობს მოიპოვოს დამატებითი ავტორიტეტი ივანიშვილის კარზე. სპორტსმენები იყვნენ კალაძის პირადი მეგობრები. ეს მართლაც მუტრუკი, უჭკუო ზონდერები იყვნენ ჩვენს წინააღმდეგ“. კორცხელი საარჩევნო უბანზე მომხდარი ინციდენტის შესახებ „ნაციონალური მოძრაობის“ ერთ-ერთმა ლიდერმა ნიკა მელიამ „ტვ-პირველზე“, გადაცემა „ინგა გრიგოლიას დღის ამბებში“ ისაუბრა.
„სამეგრელოს გადაუარეს, მიაყენეს შეურაცხყოფა. ზონდერები 10 მანქანით იყვნენ ჩამოსულები. მე ჩავედი ჩემს მძღოლთან ერთად. არც დაცვა გვყავდა, მით უმეტეს არც იარაღიანი დაცვის წევრები. ესენი იყვნენ სპორტსმენები, ფედერაციის წარმომადგენლებმა უნდა გააკეთონ განცხადება და გაემიჯნონ ამ ფაქტს. ერთ კაცზე, ათი სპორტსმენი მოდიოდა. ინტელექტუალური კოეფიციენტი „პლინტუსის“ ქვემოთ აქვთ. არ იციან არაფერი, გარდა იმისა, რომ ჰანტელი ამოძრაონ აქეთ-იქეთ.
ჩვენ შეგვეშინდა სისხლისღვრის და შევიკეტეთ ერთ-ერთი სახლის ეზოში 40 წუთის განმავლობაში. დავურეკეთ შინაგან საქმეთა მინისტრს, რომ გამოეყვანა პოლიციის კორდონი, ნამდვილად იყო სისხლისღვრის საფრთხე. თუმცა არც ერთი პასუხისმგებელი პირი ტელეფონს არ პასუხობდა. პოლიცია იყო აბსოლუტურად უძლური.
არ მინდა წარსულის გახსენება, მითუმეტეს წარუმატებლობის. ეს მეც არ მომწონდა მაგრამ ახლანდელი ხელისუფლება წინ უნდა მიდიოდეს და ჩვენს შეცდომებს არ იმეორებდეს. დასაგმობი იყო მაშინაც და დასაგმობია დღესაც. მიუხედავად ყველაფრისა განახლებული „ნაციონალური მოძრაობა“ არჩევნებს დიდი ალბათობით მოიგებს,“ – განაცხადა ნიკა მელიამ.
მანანა ღოღობერიძე
