ამერიკის სამხედრო ტრიბუნალი ბრედლი მენინგის საქმესთან დაკავშირებით ვერდიქტის გამოსატნად შეიკრიბა.
მენინგმა 2009 და 2010 წლებში ვებგვერდს 250 000 დიპლომატიური წერილი და ავღანეთისა და ერაყის შესახებ 500 0000 სამხედრო მოხსენება გადასცა. მენინგმა ბრალის ნაწილი აღიარა, თუმცა უარყოფს მთავარ ბრალდებას მტერთან თანამშრომლობას.
კაპიტანი ჯო მოროუ, რომელიც ხუთკაციანი სასმართლო ჯგუფის წევრია, აცხადებს, რომ მთავრობა სასამართლოს წარუდგენს მტკიცებულებას, რომელიც ადასტურებს, რომ მენინგი შეგნებულად გზავნიდა ინფორმაციას ”განსაზღვრულ მისამართზე” და მან იცოდა რომ ამ ინფორმაციას ქვეყნის მტრები გამოიყენებდნენ.
ქვეყნის ”მტრისათვის დახმარების აღმოჩენა” სამხედროს 22 ბრალდებას შორის ყველაზე სერიოზულია, რომელიც სიკვდილით დასჯას ითვალისწინებს. მენინგი ორი წელიწადია სამხედრო ციხეში იმყოფება.
სასამართლო სხდომის დაწყების წინ პროკურორმა განაცხადა, რომ მენინგის გამო საიდუმლო ინფორმაცია ნომერ პირველ ტერორისტ ოსამა ბინ ლადენის ხელში მოხვდა. მენინგის ადვოკატები მიუთითებენ, რომ დოკუმენტების გადაცემის დროს იგი საკმაოდ ახალგაზრდა, 25 წლის იყო.
მენინგის მიერ „ვიკილიქსისათვის“ ამერიკის საიდუმლო დოკუმენტების გადაცემა ქვეყნის ისტორიაში ყველაზე მასშტაბურ საიდუმლო დოკუმენტების გაჟონვად იქცა.
30.07.13
