„მე მოქალაქე ვარ, სხვა რამე სპეციალური სტატუსი არ გამაჩნია. ჩემი ძალაუფლება არის ხალხის ნდობა, ჩემს სიტყვას აქვს ფასი“. ამის შესახებ ყოოფილმა პრემიერ-მინისტრმა ბიძინა ივანიშვილმა საზოადოებრივ მაუწყებელზე, გადაცემა „“ინტერVIEW”-ში “ ეთერში ისაუბრა. მან ქართულ პოლიტიკაში თავისი როლი შეაფასა.
„ესეთი ვარ როგორიც ვარ, ჩემს მოღვაწეობაში ვერ ნახავთ ვერც ერთ ხაზს, რომ ქვეყნის საწინააღმდეგოდ რამე გამეკეთებინოს. თუ „რუსთავი-2“-ს არ მოუსმენთ,სიცრუის მანქანას. მთელი ცხოვრება არა თუ კანონს ვემორჩილებოდი,სინდისს ვუხმობდი ყოველთვის.
ნურავის ექნება წარმოდგენა, რომ მე ყოველდღე ვურეკავ კვირიკაშვილს და მითითებებს ვაძლევ, ღმერთმა დამიფაროს. ამას არც ღარიბაშვილის დროს ვაკეთებდი. არ ხდება ის, რასაც საუბრობენ „ნაციონალური მოძრაობის“ წევრები, რასაც გიხატავენ „რუსთავი-2“-ით. მათ უნდათ თეთრი შავად წარმოაჩინონ, ადრე შავს თეთრად აჩენდნენ.
ის, რომ დამირეკოს და აზრი მკითხოს, არ არის დანაშაული. ირაკლი ღარიბაშვილის წასვლა არ იყო ჩემი გადაწყვეტილება. შეაფასა სიტუაცია, გვქონდა საუბრები და ამბობდა, ხომ არ არის დრო, რომ წავიდეო. არ არსებობს მსგავსი პრეცენდენტი, რომ მოვიდა ვიღაც პოლიტიკაში, გაიმარჯვა და წავიდა. ეს მე შევქმენი და არავის ახსოვს, მხოლოდ გაინტერესებთ არაფორმალური მმართველობის დასაბუთება. ირაკლი ღარიბაშვილს სურდა გაემეორებინა ის, რაც მე გავაკეთე და იკითხა, ხომ არ არის დრო, რომ მეც წავიდე“
ბიძინა ივანიშვილმა თავის წერილში განხილულ საკითხებზე კიდევ ერთხელ ისაუბრა.
„მინდოდა თუ არა, წერილში წინა პერიოდი უნდა გამეხსენებინა, ეს მარტივი ანალიზის ფორმულაა. 2012 წელს გადმომეცა ქვეყანა,რომელიც უზურპირებული იყო, იმართებოდა ერთი კაცის ხასიათზე. ყვაოდა ელიტარული კორუფცია, ადამიანის უფლებები იყო 0-ს ქვემოთ დასული.
მარტივია რატომ უნდა დაუჭიროს მხარი ამომრჩეველმა „ქართულ ოცნებას“. ამ გუნდმა მოახერხა და საოცრება მოახდინა. კოალიციაში გადამწყვეტი როლი ჰქონდა „ქართული ოცნება დემოკრატიული საქართველო“-ს. კოალიციის წევრებსაც ჰქონდათ თავისი როლი, ვის რამდენი და როგორ ჰქონდა, გამოჩნდება არჩევნებზე,მაგრამ 2012 წელს ლომის წილი ჰქონდა ახალ პარტიას.
მთავრობის ეფექტიანობის და ადამიანის უფლებების დაცვის კუთხით საქართველო ეჯიბრება ევროპულ ქვეყნებს. თუმცა მაინც ეჭვს იწვევს საქართველოში დაპატიმრებები, და ფიქრობენ, რომ ეს პოლიტიკური ნიშნით არის განპირობებული.
როცა მურუსიძეს შევხვდი, მქონდა თხოვნა, რომ სასამართლო იყო სამართლიანი, მოუსმინონ კანონებს, გათავისუფლდნენ ძველი გუნდის ზეწოლისგან და ახალი გუნდი არ იკადრებს და არც უკადრებია, რომ ჩაერიოს სასამართლოს სისტემაში. როდესაც მურუსიძე აირჩიეს 2013 წელს არავის კრიტიკული აზრი არ ჰქონია. მან მოახერხა და გათავისუფლდა „ნაციონალური მოძრაობის“ ზეწოლისგან. მურუსიძის ქცევაზე მეტად სამარცხვინო იყო სანდრო გირგვლიანის ადვოკატის, შავგულიძის მიერ გიგი უგულავას პოლიტ-მატიმრად დასახელება“.
წამყვანის კითხვებიდან გამომდინარე ბიძინა ივანიშვილმა წერილში გამოტოვებულ ასპექტებზეც გაამახვილა ყურადღება.
„ საყდრისის ძეგლს კარგი რაც ჰქონდა, ყველაფერი ამოღებულია და მუზეუმშია დაცული. ისტორიასთან კავშირი რასაც ჰქონდა, ყველა ფოტო გადაღებულია, ყველაფერი შესწავლილია.
ჩემი ბიზნეს-ცენტრის მშენებლობისას ყველაფერი იყო დაცული და ამაში ჩართული იყო ქართველი და უცხოელი არქიტექტორები.
ჩვენი სტრატეგია, რომ გავხდეთ ევროატლანტიკური ჯგუფის წევრი, არ მოდის წინააღმდეგობაში რუსეთის ინტერესებთან. აუცილებლად ჩვენ უნდა მოვახერხოთ და გავხდეთ „ნატო“-ს და ევროკავშირის წევრი,“ – განაცხადა ბიძინა ივანიშვილმა.
მანანა ღოღობერიძე
