სტამბოლში მომხდარი აფეთქების შედეგად სულ მცირე 2 ადამიანი დაიღუპა და 8 დაშავდა. ინფორმაციას ამის შესახებ ადგილობრივი მედია ავრცელებს.
ასაფეთქებელი მოწყობილობა სტამბოლის ცენტრალურ რაიონ ბეიაზიტ ვეზნეჯილერში აფეთქდა.
ჟურნალისტების ცნობით, აფეთქება სპეცდანიშნულების ძალების ავტობუსთან მოხდა, რის შემდეგაც გაისმა რამდენიმე გასროლის ხმა.
პასუხისმგებლობა აფეთქების ორგანიზებისთვის ჯერჯერობით არც ერთ დაჯგუფებას არ აუღია.
