„ჩვენს მიერ გამოქვეყნებული დოკუმენტების მიხედვით ნათელია,რომ მერია აფინანსებს ამ ჯგუფის გაწვრთნას. ის დარბაზი,სადაც ეს ადამიანები ვარჯიშობენ არის ნაქირავები კახი კალაძის ცოლის ძმის, არეშიძის მხრიდან“. კორცხელის საარჩევნო უბანთან მომხდარი ინციდენტის შესახებ დოკუმენტებს ასაჯაროვებს „ნაციონალური მოძრაობა“ და ამტკიცებს,რომ სპორტსმენებს ვიცე-პრემეირთან აქვთ კავშირი. ამის შესახებ „ნაციონალური მოძრაობის“ წევრმა ირმა ნადირაშვილმა „რუსთავი-2“-ზე, გადაცემა „შაბათის კურიერის“ ეთერში ისაუბრა.
„ჩვენ ამ დუკუმენტებამდეც გვქონდა ინფორმაცია, რომ სპორტსმენებს სპეციალურად ამზადებდნენ პოლიტიკური ოპონენტების წინააღმდეგ ანგარიშსწორებისთვის. ეს არ არის ქსეროქსის მორიგი ფურცელი. დაცულ ქაღალდზე დაბეჭდილი დოკუმენტებია, რომელსაც აქვს „ალფა ბანკის“ ბეჭედი და მთავარი ფინანსური ოფისის ხელმოწერა.ჩვენ,როგორც პასუხისმგებელმა ოპოზიციამ დოკუმენტები გავასაჯაროვეთ და მივმართეთ პროკურატურას,რომ დაადგინოს მათი ავთენტურობა ან სიყალბე. წყარო დაკავშირებულია ხელისუფლების მაღალ ეშელონებთან, თუმცა მის დასახელებას და ფარცხალაძის პროკურატურისთვის ხელში ჩაგდებას არ ვაპირებ.
ის, რომ მოძალადეების ჯგუფი დაკავშირებული იყო კახი კალაძესთან, არავისთვის ეჭვს არ იწვევს. კორცხელის ინციდენტიდან რამდენიმე საათში „ნაციონალურმა მოძრაობამ“ გამოაქვეყნა ფოტო და ვისეო-მასალა,სადაც დადასტურებული იყო ამ ჯგუფის კავშირ ვიცე-პრემიერთან. ელოდებიან კახი კალაძის ნიშანს, რომ პოლიტიკურ მოწინააღმდეგეებს გაუსწორდნენ. თუ მთავრობის დანარჩენი წევრები ფარისევლურად მაინც ცდილობდნენ ახსნა მოეძებნათ კორცხელის ინციდენტისთვის, კახი კალაძე პირდაპირ აშანტაჟებდა შინაგან საქეთა სამინისტროს, ის იწონებდა იმას, რაც მოხდა. ცდილობდა დამნაშავეები წარმოეჩინა მსხვერპლად.
დოკუმენტების გავრცელებიდან რამდენიმე საათში „ალფა ბანკმა“ განაცხადა,რომ არ არის ავთენტური. როგორც წესი ბანკი საკუთარი კლიენტების შესახებ ინორმაციას არც ერთ მედია-საშუალებას არ უნდა აძლევდეს,“ – განაცხადა ირმა ნადირაშვილმა.
მანანა ღოღობერიძე
