„თუ ბრძანებაში წერია,რომ მან გააუქმა გაწვევა,ეს არის მოსახლეობის მოტყუება. ქალბატონი ხიდაშელი ვერანაირად ვერ გააუქმებდა გაწვევას. ეს რეგულირდება კანონმდებლობით და მინისტრის ვერც ერთი ბრძანება კანონმდებლობას გვერდს ვერ აუვლის. გაწვევა არის სამართლებრივი აქტი,რომელსაც ვერც ერთი კერძო ინიციატივა, ვერც მინისტრის ბრძანება ვერ გააუქმებს“ თინა ხიდაშელის გადაწყვეტილებაზე და სამხედრო სავალდებულო სისტემის არსებულ ხარვეზებზე ყოფილმა თავდაცვის მინისტრმა დავით თევზაძემ ტელეკომპანია „GDS“-ზე, გადაცემა „2030“-ის ეთერში ისაუბრა.
„მან უარი თქვა ჯარში მიეღო წვევამდელები იმ პერიოდში,სანამ ის არის უწყების ხელმძღვანელი. ეს ნიშნავს,რომ საშემოდგომო გაწვევაზე შეიარაღებული ძალები უარს ამბობენ ახალი კონტიგენტით შევსებაზე. ამას ახალი ბრძანება არ სჭირდებოდა, ამიტომ ეს არის უშინაარსო. არანაირ სტრუქტურულ ცვლილებასთან საქმე არ გვაქვს. გაწვევა გაგრძელდება ჩვეულებრივი ფორმით.რეალურად ეს გადაწყვეტილება არაფერს არ ცვლის. გათვლილია ხალხის მასების გაუცნობიერებლობაზე. თითქოს არის ადამიანი,რომელმაც დაპირება შეასრულა და გაწვევა გააუქმა
საკითხის დეკლარირება მეტად შეიცავდა პიარის ელემენტებს,ვიდრე რეალურ საქმეს. თინა ხიდაშელმა ბრძანებას ხელი პირდაპირ ეთერში, ტელევიზიების თანდასწრებით მოაწერა. ასე არც ერთ ქვეყანასი არ ხდება. მსგავსი საქციელით მინისტრმა უხერხულ მდგომარეობაში ჩააყენა როგორც პრეზიდენტი, ასევე მთავრობის თავმჯდომარე გიორგი კვირიკაშვილი. ის იწყებს საარჩევნო კამპანიას მანამ, სანამ თანამდებობა უჭირავს. ამიტომ ვთქვი,რომ უნდა გადადგეს. ორ კვირაში არის სამიტი,რომელსაც თინა ხიდაშელი უნდა დაესწროს. მე მაქვს მოლოდინი, რომ შესაძლოა იქაც განახორციელოს მსგავსუი დე-მარში.ამ ადამიანისგან უკვე მოულოდნელი არაფერი არ არის.
სამხედრო სავალდებულო სისტემას რამდენიც გნებავთ იმდენი ხარვეზი აქვს. ეს სისტემა დამახინჯდა 2005 წლიდან და შემდეგ არავის არ გადაუდგამს ნაბიჯი მის გასასწორებლად. ის, რომ სავალდებულო სამსახურში გაწვეულ ადამიანებს რეალურად არ ამზადებენ თავისი სპეციალობით, ნიშნავს იმას, რომ თავდაცვის სისტემა არ არის აწყობილი. ვერ გეგმავენ სამხედრო მოქმედებას სწორად. მე ვერ ვაკეთებ და მოდით საერთოდ ნუ გავაკეთებ. დაახლოებით ასეთი მიდგომა არსებობს, რაც დამახინჯებული ლოგიკაა. ხარვეზი უნდა გასწორდეს. უნდა გადააბიჯონ თავის თავმოყვარეობას და ამბიციებს და რამდენიმე პროფესიონალს შეამოწმებინონნ საბრძოლო მოქმედებების ის გეგმები, რომლებსაც წლის განმავლობაში ორჯერ ამტკიცებენ. არ ჭირდება ველოსიპედს გამოგონება. ადამიანები უნდა ისხდენნ თავის ადგილზე და არ უნდა ინიშნებოდნენ გარკვეული მოსაზრებებით. ერთგულების, ნათესაობის თუ სხვა ნიშნით,“ – განაცხა დავით თევზაძემ.
მანანა ღოღობერიძე
