„უპრეცენდენტო მოვლენაა, არასდროს საქართველოს წარმომადგენელი ევროპის ყველაზე მსხვილი პოლიტიკური გაერთიანების, ევროპის სახალხო პარტიის მხრიდან ასეთ მნიშვნელოვან ინსტიტუტში წარდგენილი არ ყოფილა“. ეუთოს საპარლამენტო ასამბლეის პრეზიდენტის პოსტზე „ნაციონალური მოძრაობის“ წევრი გიგი წერეთელი წარადგინეს. ამის შესახებ თავად გიგი წერეთელმა ტელეკომპანია „მაესტროს“ ეთერში, გადაცემა „მაესტროს ფაქტორში“ ისაუბრა.
“საქართველო ევროინტეგრაციის კუთხით მიდის და აქ ყველას წვლილი საჭიროა. ეს შანსი უნდა გამოვიყენოთ საქარველოს ინტერესების ლობირებისთვის. რა თქმა უნდა მთავარი საქართველოს ინტერესებია, ეს არ არის „ნაციონალური მოძრაობის“ ადგილი.
მე, რომ საქართველოს დელეგაციის მიერ ვიყო წარდგენილი ძალიან მცირე შანსი მექნებოდა. როდესაც ევროპის ყველაზე დიდი პოლიტიკური ჯგუფი მიჭერს მხარს, რა თქმა უნდა დიდი შანსი მაქვს და ამიტომაც არის ასეთი ამბავი ხელისუფლებაში. ასეთი მოვლენები არ მეტყველებს ქვეყნის მაღალ პოლიტიკურ კულტურაზე.
არსებობს საერთო და ვიწრო პარტიული ინტერესები. „ქართულმა ოცნებამ“ ოთხი წელი შეალია „ნაციონალურ მოძრაობასთან“ ბრძოლას. საარჩევნო პროცესში ვართ და ყველა თემა სენსიტიურია. თუ ჩემი ოპონენტი ფუნდამენტურად იქნება განსხვავებული ჩემი საგარეო პოლიტიკური მიმართულებისგან, შესაძლოა არ მივცე ხმა, მაგრამ ამას საჯაროდ არ გამოვაცხადებ. თუ სტანდარტებს გადავუხვევთ, რა თქმა უნდა გაგვაკრიტიკებენ. ოპოზიციას ცივილურად უნდა მოექცე, თუ გინდა ევროკავშირში შესვლა.
გიგი წერეთელმა პრეზიდენტ გიორგი მარგველაშვილის მხარდაჭერაზეც ისაუბრა.
„პოლიტიკაში ყველაფერს უნდა ელოდე, ეს არ არის მარტივი საქმე. პრეზიდენტის ამგვარ გადაწყვეტილებას არ ველოდი. თუმცა ზუსტად ვფიქრობდი, რომ ბიძინა ივანიშვილის გუნდისგან განსხვავებით აქვს იმდენი პოლიტიკური გამჭრიახობა, რომ რა არის ქვეყნისთვის კარგი არჩევდეს“.
მანანა ღოღობერიძე
