„ვარშავის სამიტის შემდეგ საქართველო იქნება ბევრად უფრო დაცული, ჩვენ მივიღეთ ის ინსტრუმენტები,რაც აამაღლებს თავდაცვისუნარიანობას როგორც საჰაერო, ასევე კიბერუსაფრთხოების თვალსაზრისით. მნიშვნელოვანია სამხედრო განათლების შესაძლებლობების გაზრდაც“. ვარშავის სამიტის დეტალებზე, კონკრეტულ პროექტებზე და მომავალ გეგმებზე პრეზიდენტმა გიორგი მარგველაშვილმა ტელეკოპმანია „იმედზე“, გადაცემა „ქრონიკის სტუდიასთან“ ინტერვიუში ისაუბრა.
„ჩვენ ვსაუბრობდით მსოფლიო სტაბილურობაზე და უსაფრთხოებაზე როგორც მოკავშირე, პარტნიორი, როგორც მეგობარი ქვეყანა. დისკუსიების უშუალო მონაწილეები ვართ, მათ შორის იმ საკითხების, რომელიც უშუალოდ უკავშირდება საქართველოს თავდაცვისუნარიანობას. ეს არის შავი ზღვის კონტექსტი.
ჩვენ ბუნებრივია ვიყავით წარმოდგენილი ჩვენი პრობლემატიკით. ჩვენმა მეგობრებმა გაითავისეს ეს, მოუწოდეს რუსეთს გაიყვანოს ჯარები საქართველოდან. მოხდა ბუქარესტის გადაწყვეტიელბის კიდევ ერთი დადასტურება. ჩვენ ვიყავით მეგობრებს შორის, რომელთან ურთიერთობითაც ჩვენი უსაფრთხოება და დაცულობა კიდევ უფრო მეტად გაიზრდება.
შავი ზღვის თემა 2014 წიდან წამოვწიეთ. შავი ზღვა არის მნიშვნელოვანი ელემენტი ევროპასა და აზიას შორის თანამსრომლობის. მაშინაც კონკრეტულად განვსაზღვრეთ, რომ შავი ზღვა უნდა იყოს ევროპული ვაჭრობის და თანამშრომლობის ზღვა. საქართველოს პორტებით არაერთ აზიურ ქვყანას შეუძლია ევროპაზე გასვლა. როგორც „ნატო“, ასევე საქართველო არ წარმოადგენს საფრთხეს რუსეთისთვის.
„ნატო“-საქართველოს თანამშრომლობა არ არის მიმართული ვინმეს საწინააღმდეგოდ. ეს მიმართულია სტაბილურობის, ეკონომიკური და ენერგეტიკული პროექტების განხორციელებისკენ. ასეთ საქართველოსთან თანამშრომლობა და კეთილმეზობლობა დადებითის მომტანია რუსეთის ფედერაციისთვის. ჩვენ უნდა ვიყოთ დამაჯერებლები. ამ კონფლიქტებმა არაფერი შემატა რუსეთს, არ გადამწყდარა მათი პრობლემები არც ცხინვალში, არც სოხუმში. ჩვენ გვაქვს სტრატეგიული მოთმინების პოლიტიკა და გვექნება დიალოგი როგორც საქართველოს, ასევე რუსეთისთვის სასარგებლოდ. დაცულობა და თავდაცვისუნარიაობაც იქნება ჩვენი დამაჯერებლობის გარანტი. ეს არის პოლიტიკური რეალიზმი და არა რომანტიზმი.
დეკლარაციის მეექვსე მუხლში გამოთქმულ თეზას,რომ არჩევნები უნდა ჩატარდეს დემოკრატიულად, ჩემთან ერთად ხელს აწერს ყველა უმაღლესი თანამდებობის პირი. ეს ჩვენი საერთო პასუხისმგებლობაა. პარლამენტის პოლიტიკური დეკლარაციაც ზურგს გვიმაგრებდა. ეს არის მაგალითი, თუ როგორ ახერხებენ პოლიტიკური ძალები საერთო პოზიციის დაფიქსირებას, მიუხედავად განსხვავებული აზრისა,“ – განაცხადა გიორგი მარგველაშვილმა.
მანანა ღოღობერიძე
