რეგიონული განვითარებისა და ინფრასტრუქტურის მინისტრმა, დავით ნარმანიამ, სამინისტროს ხელმძღვანელ პირებთან ერთად, საერთაშორისო მნიშვნელობის მცხეთა-სტეფანწმინდა-ლარსის გზის მშენებლობა დაათვალიერა.
წვიმიანი ზაფხულის მიუხედავად, ამ ურთულესი გზის ოთხ სხვადასხვა მონაკვეთზე სამშენებლო სამუშაოები ინტენსიურად მიმდინარეობს. პროექტით გათვალისწინებულია: მიწის ვაკისის დეფორმირებული მონაკვეთების აღდგენა, რკინა-ბეტონის მილების, საყრდენი კედლების, გაბიონების, ქვედა საყრდენი კედლების, ავტოტრანსპორტის გასაჩერებელი ადგილების მოწყობა, ასფალტ-ბეტონის საფარის დაგება, გალერეების სახურავების კოჭების გამოცვლა, მეწყერდამცავი გრუნტის საფარისა და სადრენაჟე არხის მოწყობა, გალერეების კედლებისა და ბოძების შეკეთება, სამი გვირაბის დრენაჟებისა და სანიაღვრე სისტემის მოწყობა, გვირაბების გადახურვა, იზოლაციის გამართვა, გვირაბების ბეტონის ფენით ტორკირება, ქვის წყობის ორი თაღოვანი ხიდის რეაბილიტაცია, გზის მონიშვნა და საგზაო ნიშნების დამონტაჟება.
მცხეთა-სტეფანწმინდა-ლარსის გზის მშენებლობა, მთლიანობაში, 25 მილიონ 184 ათასი ლარი ჯდება და მისი დასრულება 2013 წლის შემოდგომაზე იგეგმება.
23.08.13
