კრემლის პრესმდივანი დიმიტრი პესკოვი ადასტურებს ინფორმაციას ვლადიმერ პუტინის საფრანგეთში 19 ოქტომბერს დაგეგმილი ვიზიტის გადადების შესახებ. პესკოვის განმარტებით, ვიზიტი გაურკვეველი ვადით გადაიდო.
ამასთან, რუსეთის პრეზიდენტის პრესმდივნის თქმით, ვიზიტის გადატანის მიზეზი დაგეგმილი ღონისძიებების ნაწილის გაუქმება გახდა, მათ შორის რუსული სასულიერო ცენტრის გახსნისა და გამოფენის.
აღსანიშნავია, რომ 9 ოქტომბერს, ფრანსუა ოლანდმა განაცხადა, რომ არ არის დარწმუნებული, სურს თუ არა 19 ოქტომბერს ვლადიმერ პუტინთან შეხვედრა. მისი თქმით, სირიაში რუსეთის მიერ განხორციელებული ავიადარტყმების შემდეგ საფრანგეთი ეჭვობს, რომ შეხვედრა სასარგებლო იქნება.
