ჯანდაცვის მინისტრის განცხადებით, სოფლის ამბულატორიებთან დაკავშირებით ქვეყანაში ტრაგიკული ვითარებაა.
როგორც დღევანდელ ბრიფინგზე ჯანდაცვის მინისტრმა დავით სერგეენკომ განმარტა , უკვე გაიმართა შეხვედრები ადგილობრივი თვითთმართველობის ორგანოების წარმომადგენლებთან და არსებობს რეალური სურათი თუ რა მდგომარეობაა რეგიონებში სოფლის ამბულატორიებთან დაკავშირებით.
მინისტრის ინფორმაციით, სოფლებში არსებული ამბულატორიები ხშირად კრიტიკას ვერ უძლებს. სამედიცინო პუნქტების შენობებიც უკვე არავის ბალანსზე არ არის და პაციენტებს პირველად სამედიცინო მომსხურებას ფიცრულებში უწევენ.
როგორც მინისტრმა განმარტა, გასულ წლებში, სოფლის ექიმებთან და მედპერსონალთან, როგორც კერძო პირებთან ისე გაფორმდა ხელშეკრულებები, რაც მათ საშუალებას აძლევს საკუთარ სახლებში ან “ფიცრულ ამბულატორიებში” მიიღონ პაციენტები.
დავით სერგეენკოს თქმით, უახლოეს პეიროდში, “ყველაზე ცხელ წერტილებში” ერთდროულად 81 ახალი სოფლის ამბულატორია შევა ექსპლუატაციაში, რომლის მშენებლობის დაწყება და დასრულება ერთდროულად მოხდება.
03.09.13
