საქართველოს ფინანსთა სამინისტროს საგამოძიებო სამსახურის თანამშრომლებმა, დიდი ოდენობით თანხების თაღლითურად დაუფლების ფაქტზე, შპს „პოლიედრი“-ს დამფუძნებელი და დირექტორი, დიმიტრი მახარაშვილი, სისხლის სამართლის პასუხისგებაში მისცეს.
გამოძიებით დადგინდა, რომ დ. მახარაშვილმა, საბიუჯეტო თანხების თაღლითურად დაუფლების მიზნით, მასთან დასაქმებული პირების სახელზე, ფორმალურად დაარეგისტრირა შპს „360“ და შპს „ბეეტა,“ რომელთა საქმიანობასაც თავად ხელმძღვანელობდა. მან ხსენებული საწარმოების გამოყენებით, თბილისის მერიასთან, „თბილისის განვითარების ფონდთან“ და „თბილისის საბავშვო ბაღების მართვის სააგენტო“-სთან, საამშენებლო და სარემონტო სამუშაოების შესრულებაზე გაფორმებული ხელშეკრულების საფუძველზე, შესრულებული სამუშაოების ღირებულება ფიქტიურად გაზარდა, რითაც სახელმწიფოს კუთვნილ 444 217 ლარს თაღლითურად დაეუფლა.
გამოძიება მიმდინარეობს საქართველოს სისხლის სამართლის კოდექსისი 180 – ე მუხლის მესამე ნაწილით, რაც სასჯელის სახით, თავისუფლების აღკვეთას 7 დან 10 წლამდე ითვალისწინებს.
04.09.13
