„ეს არ იყო მარტივი პროცესი, რეორგანიზაცია–ოპტიმიზაცია საკმაოდ რთული ნაბიჯია. ეს არ იყო ერთპიროვნული გადაწყვეტილება. იყო კონსულტაციები გენერალურ შტაბთან, ჩვენს უცხოელ პარტნიორებთან, ნატოს ექსპერტებთან“. თავდაცვის სამინისტროში მასობრივი რეორგანიზაცია–ოპტიმიზაციის შესახებ, თავდაცვის მინისტრის მოადგილემ, ნუკრი გელაშვილმა, „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
ერთ–ერთი ძირითადი რეკომენდაცია იყო, რომ ჩვენი ბიუჯეტის 67 % მიდიოდა ხელფასებზე, სოციალურ საკითხებზე, თავდაცვისუნარიანობის ასამაღლებლად ბიუჯეტის მცირე ნაწილი რჩებოდა. სტანდარტულად, სოციალური ხარჯები საშუალოდ 53% უნდა ყოფილიყო.
იყო შემთხვევები, როდესაც კონკრეტულ ფუნქციაზე ერთი საშტატო ერთეული სკამარისი იყო, ამ ფუნქციისთვის კი 2 ან 3 თანამშრომელი იყო. ისინი ფუნქციურად ერთი და იგივე ამოცანას ემსახურებოდნენ. მოხდა დეპარტამენტების გაერთიანება და ამას მოყვა თანამშრომლების შემცირება. ჩვენ მივმართეთ გენერალურ შტაბს, მათ წარმოადგინეს ამ სტრუქტურული რეორგანიზაციის საკუთარი გეგმა. აქ გადაწყვეტილებების მიღება მაქსიმალურად ობიექტურად ხდებოდა. ძირითადად სამოქალაქო პირებია გაშვებული,“–განაცხადა ნუკრი გელაშვილმა.
მანანა ღოღობერიძე
