„მიუხედავად ჩემი მძიმე დამოკიდებულებისა, საყვარელიძის თუ მისი პოლიტიკური გუნდისა, ვცდილობ ვიყო ობიექტური. ეს ყველაფერი იმდენად იდიოტურად არის გაკეთებული, რომ დავით საყვარელიძეს შეუქმნეს ასპროცენტიანი ალიბი, ეს შეიძლება ჩაედინა ყველას, საყვარელიძის გარდა“. ამის შესახებ პოლიტიკურმა ექსპერტმა გია ხუხაშვილმა, „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა
„გვყავს სასამართლო,სადაც ფაქტობრივად სამართლებრივი გადაწყვეტილებები კი არ მიიღება, ე.წ „ქურდული სხადნიაკები“ იკრიბება. ესენი არიან ადამიანები, რომლებიც ემსახურებოდნენ წინა ხელისუფლებასაც და ემსახურებიან ახლანდელსაც. სასამართლოში დღეს პროცესებს მართავენ ადამიანები,რომლებიც ნებისმიერ გარიგებაზე არიან წამსვლელები. მურისიძემ გირგვლიანის მკვლელები ვადაზე ადრე გამოუშვა ციხიდან.
თუ გააგზავნა ქაღალდის წერილი, რომ დაეცვა კონფიდენციალობა, მერე ესემესით გადაამოწმა წერილის მიღება? ამას ხუთი წლის ბავშვიც არ გააკეთებდა. დანარჩენი გამოძიების საქმეა. ამ თეთრი ძაფით ნაკერი ლოგიკური აბსურდით, მას ალიბი შეუქმნეს. წერილი და ესემესი არის ფაბრიკაცია.
ინსტიტუტი აღარ დარჩა ხელშეუხებელი, პრეზიდენტს რომ თავი დავანებოთ. სასამართლო სისტემის დისკრედიტაცია დაიწყო საკონსტიტუციო სასამართლოდან. ხელისუფლების ვალია,რომ დაიცვას ინსტიტუტები. თუ ერთი ნაგიჟარისგან ვერ იცავ სახელმწიფოს, რომელიც უკრაინაში ზის, ესეიგი შენც ისეთი, ან უარესი ხარ. საფუძველში ინგრევა სახელმწიფო. სახელმწიფო გადატრიალების მუხლით ორი საქმე აქვთ აღძრული, თუ ვერ გამოიძიებენ, მაშინ წავიდნენ ყველანი სახლში,“–განაცხადა ხუხაშვილმა.
მანანა ღოღობერიძე
