„ხელისუფლებას ჩვევია ასეთი პროცესები, როდესაც ვითომ სამოქალაქო საზოგადოებას დაპატიჟებენ, რომ შემდეგ განცხადებები გააკეთონ, რომ ვიღაცის წინაშე თავი მოიწონონ. ჩვენთვის მიუღებელი იყო სასამართლოში შავბნელი ძალების მხარდაჭერა“. სტარსბურგის მოსამართლეობის კანდიდატების შერჩევის პროცესზე, „საერთაშორისო გამჭვირვალობა – საქართველოს“ პროგრამის მენეჯერმა, გია გვილავამ, „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„იუსტიციის სამინისტროს მხრიდან მეტი განმარტება უნდა ყოფილიყო, რომ ლეგიტიმური ეჭვები გამქრალიყო. მაშინ როდესაც მჭედლიძის კანდიდატურა, გოცირიძის კანდიდატურით ჩაანაცვლეს. თვითონვე შეეძლოთ ჩაეტარებინათ პროცესი და არავისთვის შეეთავაზებინათ დისკუსია. თუმცა, პროცესის მოჩვენებითი გახსნა, გაცილებით უარეს შედეგს გვაძლევს. ბუნებრივია საკუთარი კანდიდატების წარდგენა ყველა ხელისუფლებას სურს, გასაგები მიზეზების გამო. თუმცა, ამ ხელისუფლებამ გადადგა უპრეცედენტო ნაბიჯი. ჩვენი მონაწილეობა არაფერს არ ნიშნავდა.
ყველაზე დიდი პრობლემა დავინახეთ აქ, ეროვნულ დონეზე, კომისიის საქმიანობის პროცესში. კომისიის შემადგენლობაში იყო მოზღვავებული სამთავრობო წარმომადგენლების რაოდენობა. ჩვენი მხრიდან ნაკლები აქცენტი იყო გაკეთებული კანდიდატების პროფესიულ კვალიფიკაციაზე. მე პირადად მათ კომპეტენციაში ეჭვი არ მეპარება, მაქვს კონკრეტული პრეტენზიები, მთავარი იყო პროცესი,რომელიც ჩატარდა. როცა პროცესს ცუდად ჩაატარებ, ძნელია დააჯერო ვინმეს, რომ ყველაზე იდეალური კანდიდატები გყავს წარდგენილი. ის სახელისუფლებო ჯგუფები,რომლებიც ამ კომისიაში იყვნენ, გამოხატავდნენ უპირობო მხარდაჭერას რამდენიმე კანდიდატის მიმართ,“–განაცხადა გიორგი გვილავამ.
მანანა ღოღობერიძე
