„100–ზე მეტი ადამიანის სამსახურიდან გათავისუფლება, არის მასობრივი დათხოვნა. თუ ასე მოხდება, დათხოვნასაც აქვს თავისი წესები. მნიშვნელოვანია როგორ განხორციელდება პროცესი, როგორ მოხდება შერჩევა, შეფასება, თუ ვინ უნდა დარჩეს და ვინ უნდა წავიდეს“. ამის შესახებ “საია”-ს წარმომადგენელმა, საზოგადოებრივი მაუწყებლის სამეურვეო საბჭოს წევრმა, სულხან სალაძემ, ტელეკომპანია „იმედზე“, გადაცემა „ქრონიკის“ეთერში ისაუბრა.
„შეხვედრაზე არაფერი ახალი დოკუმენტი არ შემოუტანიათ. როდესაც გეგმის შესახებ გახდა ცნობილი, პირდაპირ ვთქვი,რომ არ ვუჭერ მხარს, რომ 102 გადაცემიდან, 101 გადაცემა, ერთი ხელის მოსმით დაიხუროს. ეს მიუღებელია ჩემთვის. არა იმიტომ, რომ იმ 101 გადაცემიდან ყველა ჩავთვალო რომ კარგია. საზოგადოებრივ მაუწყებელს აქვს პროგრამული პრიორიტეტები, მაუწყებლობის შესახებ კანონით გათვალისწინებული ვალდებულებები და მისი მოვალეობაა რომ შეასრულოს ისინი. წინააღმდეგ შემთხვევაში, საზოგადოებრივი მაუწყებელი დაარღვევს კანონს.
როდესაც ტექნიკურ გადაიარაღებაზე, კოლაფსზე ან სხვა ტიპის მოვლენებზე სუაბრობენ, მიმიმდინარე წლის ბიუჯეტში უკვე არის გათვალისწინებული შესყიდვების ხარჯები. როცა მენეჯმენტი საუბრობს, რომ ადამიანების რაოდენობა არის იმაზე მეტი, ვიდრე უნდა იყოს, ზუსტად უნდა თქვან, რამდენია ასეთი ადამიანი,“–განაცხადა სულხან სალაძემ.
მანანა ღოღობერიძე
