„ვითხოვთ,რომ დადგეს უშუალოდ იმ პირის პასუხისმგებლობის საკითხი,რომელიც უშუალოდ სათავეში ედგა პროცესს. ხელისუფლებამ მხარი აუბა პროკურატურას.ძალიან ცუდად ითამაშეს ხალხის გრძნობებზე“. ამის შესახებ „ერთიანი ნაციონალური მოძრაობის“ ერთ–ერთმა ლიდერმა, გიორგი ტუღუშმა, „ტვ პირველზე“, „დიანა ტრაპაიძის დღის ამბების“ ეთერში ისაუბრა.
„ჩვენ ყოველთვის ვუჭერდით მხარს სახელმწიფოს და ეკლესიის გამიჯვნას, თუმცა, ის, რაც ბოლო დღეებში ხდება, ყველანაირ ლოგიკურ ზღვარს ცდება. პროცესი რომელიც ბოლო დღეებში მიმდინარეობს, საკმაოდ მძიმეა. ხელისუფლების და მთავარი პროკურორის გაკეთებული განცხადებები კრიტიკას ვერ უძლებს. ვიწყებთ ხელმოწერების შეგროვებას პროკურორის გადადგომის მოთხოვნით. ასევე საპროკურორო საბჭოში,ვაპირებთ შევავსოთ ოპოზიციის კვოტა იმ მოტივით, რომ რეალურად დაიძრას შოთაძის თანამდებობიდან გათავისუფლბის პროცედურები.
საუბრობდნენ, რომ თავიდან აგვაცილეს უმძიმესი დანაშაული, თითქოს მზადდებოდა უმაღლესი იერარქიის სასულიერო პირის მკვლელობა. ყველამ იფიქრა, რომ საქმე ილია მეორეს იხებოდა. გავრცელდა ურთიერთგამომრიცხავი განცხადებები. იყო ურთიერთბრალდებები, და საბოლოოდ აღმოჩნდა, რომ პროკურატურის განცხადება არ ეხებოდა სასულიერო პირს. არ გვაქვს იმის იმედი, რომ ეს პროკურატურა შოთაძის ხელმძღვანელობით რამეს გამოიძიებს,“–განაცხადა გიორგი ტუღუშმა.
მანანა ღოღობერიძე
