„მოველოდით,რომ ივანიშვილის არაფორმალური ხელისუფლება განტევების ვაცის ძიებას დაიწყებდა და აუცილებლად ამ ვაცს ოპოზიციურ სპექტრში„ნაციონალურ მოძრაობაში“ აღმოაჩენდა“. ამის შესახებ „ენმ“-ის ლიდერმა, ნიკა მელიამ ტელეკომპანია „იმედზე“, გადაცემა „იმედის დროს“ ეთერში ისაუბრა.
„ეს იყო ყოვლად დასაგმობი ქმედება დაწყებული იმ ხულიგნებით და ვანდალებით, დამთავრებული უმოქმედო ხელისუფლებით, მაგრამ „ნაციონალური მოძრაობის“ წევრებმა სოლიდარობა გამოუცხადეს მშვიდობიან მოსახლეობას. ხელისუფლებამ გამოიყვანა სპეცრაზმი საზოგადოებრივი წესრიგის დასამყარებლად და რა გააკეთა, 5 წუთის განმავლობაში ისროლეს რეზინის ტყვიები და მომდევნო 4 საათის განმავლობაში გაიყვანეს ქალაქიდან. ხელში ჩაუგდეს ქალაქი ვანდალებს და ხულიგნებს, გადააწვევინეს მთელი ბათუმი.
ეს არის ხელისუფლება,რომელმაც 13 ივნისის შედეგები „ნაციონალურ მოძრაობას“ დააბრალა და კორცხელში თითქოს საკუთარი თავი მე დავარბიე. 12 საათის განმავლობაში შინაგან საქმეთა მინისტრი და ადგილობრივი პოლიციის უფროსი, ვალდებულები იყვნენ შესაბამისი ღონისძიებები გაეტარებინათ და ეს კერა დაახლოებით საღამოს 6-7 საათისთვის უნდა ჩაექროთ“ , – განაცხადა ნიკა მელიამ.
მანანა ღოღობერიძე