„შოუს ელემენტებს შეიცავს ყველაფერი, რაც გარშემო ხდება, პრეზიდენტი ამ შოუს ნაწილად არ მომიხსენიებია. არის ვალდებულებები პრეზიდენტის ინსტიტუტის მიმართ. ამ ფონზე პრეზიდენტის განცხადებები იქნება პოლიტიკურად ანგაჟირებული არა გარკვეული მიზნით, არამედ პოლიტიკურ ჯგუფში თავისი პოზიციის აღმოჩენის და დამკვიდრებისთვის“. ამის შესახებ, პარლამენტის ვიცესპიკერმა, „ქართული ოცნების“ წევრმა, გია ვოლსკიმ „ტვ პირველზე“, გადაცემა „პოლიტმეტრის“ეთერში ისაუბრა.
„კვლევებს ემთხვევა პრეზიდენტის კრიტიკული გამოსვლები, არასამთავრობო ორგანიზაციების მხარდაჭერა, პრეზიდენტის გამოსვლაც ამ თემეზე იქნება აგებული. ვიცით მისი დამოკიდებულება აქტუალური საკითხების მიმართ. არ ვითვალისწინებთ საზოგადოების დაღლილობას და ხშირად შოუს უფრო ვაჩვენებთ, ვიდრე ღრმა ანალიზს. მგონია, რომ საბოლოოდ ჯანსაღი კრიტიკა თუ იქნება, საზოგადოებას უნდა მიეცეს საშუალება, რომ ამ გამოსვლიდან საინტერესო დასკვნები გააკეთოს.
მაინც ხდება პრეზიდენტის აზრების პოზიციონირება პოზიციონირება საზოგადოების გარკვეული ნაწილის ხედვებთან, თუმცა მას განგებ აკეთებს თუ კონკრეტული პოლიტიკური ამოცანები აქვს არ ვიცი. ამ თემაზე აქცენტს, ჯობს რომ იყოს ჯანსაღი კრიტიკა და მასზე ჯანსაღი პასუხი. ქვეყანაში მიდინარე ტენდენციების ანალიზი პარლამენტის ტრიბუნაზე ნებისმიერი გამომსვლელისთვის უმთავრესი უნდა იყოს“ , – განაცხადა გია ვოლსკიმ.
მანანა ღოღობერიძე
