„ჩვენ არ ველოდებოდით ქება–დიდებას, ხოტბის შესხმას, მაგრამ დღეს პრეზიდენტი გვესაუბრებოდა ღიად ოპოზიციის ფლანგიდან და სივრციდან. მან აირჩია ეს ადგილი, ის იყო მხარე. ზედაპირული და სამწუხაროდ არაობიექტური შეფასებები იყო“. ამის შესახებ პარლამენტის იურიდიულ საკითხთა კომიტეტის თავმჯდომარემ, ეკა ბესელიამ „ტვ პირველზე“, გადაცემა „რეაქციას“ ეთერში ისაუბრა.
„პრეზიდენტი არ საუბრობდა ყველას სახელით, ის საუბრობდა იმ ჯგუფის სახელით,რომელიც ხშირად ოპოზიციის მოსაზრებებს ახმოვანებს. როდესაც პრეზიდენტი საკონსტიტუციო სასამართლოს მიმართავს როგორც სასამართლოს დამოუკიდებელი ექსპერტიზის მიმწოდებელი, ამბობს,რომ კონსტიტუციით მისთვის მინიჭებული უფლებამოსილებიდან გადის და დგება იმ ადამიანების მოპირდაპირე მხარეს, ვისაც არ მიაჩნია, რომ ეს კანონი არის პრობლემური.
როდესაც განვსაზღვრეთ სახელმწიფოს მოწყობა, მომავალში უნდა იყოს სახელმწიფოს საპარლამენტო მოდელი და ამაზე უნდა გადაეწყოს ხელისუფლების დანაწილების პრინციპი, ეს ნიშნავს, რომ ძლიერი პრეზიდენტის ადგილი არ რჩება. ეს სტანდარტი აღარ ჯდება მომავალი ძლიერი საპარლამენტო რესპუბლიკის მოდელში.
გიორგი მარგველაშვლმა რომ არ გვითხრას,რომ ხალხს შია და სამუშაო ადგილები არ აქვს, ჩვენ არ გვაქვს ეს ინფორმაცია და არ ვხვდებით ასეთ ადამიანებს? არ ვამბობთ, რომ ყველაფერი იდეალურია და მორჩა რეფორმები და დავასრულეთ. დინამიკა არის პოზიტიური, ყევლა ინდექსი ამბობს, რომ წლიდან წლამდე საქართველოს აქვს წინსვლა“ , – განაცხადა ეკა ბესელიამ.
მანანა ღოღობერიძე