ყავის სიყვარულით დაწყებული „მოსიარულე ბიზნესი“

ქართული ბიზნესი ბოლო პერიოდში განსაკუთრებით გამოირჩევა სიახლეებითა და ინოვაციებით. დღეს უკვე შესაძლებელია ქუჩაში სეირნობისაას ველოსიპედით მოსიარულე ბიზნესს გადააწყდეთ, რომელიც ცხელ ქვიშაზე მოგიმზადებთ სასურველ ყავას. Bicycle Coffee-ს ბიზნესი ახალგაზდრა 19 წლის  სტუდენტმა, ცოტნე ყალიჩავა წამოიწყო. იგი The Tbilisi Times ესაუბრა ბიზნესის შექმნისა და სამომავლო გეგმების შესახებ.

საიდან  და როგორ გაგიჩნდათ იდეა შეგექმნათ  Bicycle Coffee?

– 2016 წლის მარტში მივედი ახლაგაზრდა მეწარმეთა სკოლაში. ფონდი კრისტალისა და აშშ-ს განვითარეის სააგენტოს მხარდაჭერით  მიმდინარეობდა პროექტი დამწყები მეწარმეებისთვის. თავიდან სულ სხვა ბიზნეს იდეით მივედი, მაგრამ უშუალოდ პროექტის მსვლელობისას შევცვალე. ყავა არის ჩემი ცხოვრების განუყოფელი ნაწილი,  ამიტომაც ხშირად მიფიქრია, თუ როგორ მექცია საყვარელი სასმელი საყვარელ საქმიანობად. შემდეგ დავიწყე ფიქრი, თუ როგორ შეიძლებოდა ორიგინალურად შემეფუთა ჩემი იდეა. ბოლოს ვიფიქრე, რომ გამოვიყენებდი ველოსიპედს,  რომელიც გადაეწყობოდა სპეციალურად ყავისთვის. იდეის გავითარება უშუალოდ განხორციელებისას მოხდა

რამდენად მოთხოვნადია Bicycle Coffee  და როგორ შეხვდა მომხმარებელი ამ ბიზნესს?

– ბიზნესის პრეზენტაცია 19 მარტს მქონდა, უკვე ერთი თვეა რაც ბაზარზე გასული ვარ და შეინიშნება აშკარა ცვლილებები. მართალია, მარტში ამინდების გამო ნაკლები „მოსეირნე“ გვყავდა ქუჩებში, ასევე ტურისტების მცირე რაოდენობა, რაც პირდაპირ აისახებოდა ჩემს ბიზნესზე დაბალი მოთხოვნით. თუმცა, კარგ ამინდთან და ტურისტების მატებასთან ერთად შეინიშნება მზარდი ტენდეცია, იზრდება დაინტერესება, მოთხოვა და ინტერესი. აღფრთოვანება და გაკვირვება ეს იმ ძირითადი შთაბეჭდლებების ჩამონათვალია, რაც გამვლელებს უჩნდებათ, აკვირვებთ თუ როგორ შეიძლება ყავის ბარი ველოსიპედზე იყოს დამონტაჟებული

როგორია ფასები და  ძირითადად რა სეგმენტის მომხმარებლები  გყავთ?

– ჩემი ძირითადი პროდუქტი არის თურქური ყავის ახლად დაფქული მარცვლები რომელიც იხარშება ცხელ ქვიშაზე ტრადიციული თურქული ტექოლოგიით. ერთი ფინჯნის ღირებულება ორი ლარია, ასევე გვაქვს ქართული ჩაი. მართალია, ქართველებიც ხშირად ინტერესდებია, თუმცა, ძირითად სეგმენტს შეადგენენ  უცხოელი მომხმარებლები- ტურისტები და ადგილობრივები.

ჰყავს თუ არა თვენს ბიზნესს ქართული ანალოგი?

– საქართველოში, რა თქმა უნდა, არსებობს ყავა ქვიშაზე. ასევე  არსებობს მოსიარულე ველოსიპედი, მაგრამ არსებულების გაერთიანება მე არ შემხვედრია. ბიზნესს „ყავა ველოსიპედზე“ აქვს ანალოგები უცხოეთში, მაგრამ მათზე ძირითადად დამონტაჟებულია ამერიკული ყავის აპარატები და არა ქვიშის.
შეიძლება ითქვას, რომ ეს არის პირველი მოძრავი ყავის საწარმო ამგვარი დიზაინით.

როგორია თქვენი სამომავლო გეგმები?

– ზაფხული ტურისტული ბუმის პერიოდია, ამიტომ ვცდილობ  მომზადებული შევხვდე ამ სეზონს. ფონდი კრისტალი იწყებს ახალ ინოვაციურ პროექტებს, მეც ჩართლი ვარ და მაქვს შესაძლებლობა ბიზნესის გაფართოების.
ასევე ვფიქრობ, ბიზნესის განვითარებას ზღვისპირა ქალაქებში, ვგეგმავ გამაგრილებელი სასმელის დამატებას ზაფხულის სეზონისთვის.

მარიამ ლეკიაშვილი