თურქეთის საგარეო საქმეთა სამინისტრომ აშშ-სა და რუსეთს შორის სირიის რეჟიმის ხელთ არსებული ქიმიური იარაღის განადგურების თაობაზე მიღწეული შეთანხმება დადებით ნაბიჯად შეაფასა.
წერილობით განცხადებაში ნათქვამია, რომ სირიის რეჟიმის ხელთ არსებული ქიმიური იარაღის საერთაშორისო აუდიტისათვის დაქვემდებარება და განადგურება მნიშვნელოვანია რეგიონული და გლობალური მშვიდობისა და უსაფრთხოებისთვის.
განცხადებაში ასევე ნათქვამია: ”ეს შეთანხმება სირიის რეჟიმმა არ უნდა დაარღვიოს და რეჟიმის მიერ საკუთარი ხალხის მკვლელობების დაწყებისათვის დროის მოსაგებ პროცესად არ უნდა გადაიქცეს. რეჟიმის მიერ დანაპირების უმოკლეს დროში შეუსრულებლობის და შეთანხმების დარღვევის შემთხვევაში თავიდანვე ნათელი უნდა იყოს გასატარებელი სანქციები. ამ შეთანხმების განხორციელება გაეროს უსაფრთხოების საბჭომ უნდა უზრუნველყოს”.
აქვე ასევე აღნიშნულია: ”სირიაში საბოლოო მიზანი უნდა იყოს ქვეყანაში რეჟიმის მიერ თითქმის სამი წლის მანძილზე კაცობრიობის წინააღმდეგ დანაშაულებების ჩადენის შეჩერება, ხალხის ლეგალური მოთხოვნების დაკმაყოფილება და სირიის ხალხის მიერ ლეგალური ხელისუფლების არჩევის უზრუნველყოფა”.
16.09.13
