აშშ-ს პრეზიდენტის, დონალდ ტრამპის ტვიტები დღეიდან კრებულის სახით იყიდება. მისი ილუსტრაციების ავტორი ცნობილი კარიკატურისტი, შენონ უილერია.
წიგნი, რომლის სახელწოდებაა Sh*t My President Says: The Illustrated Tweets of Donald J. Trump, სულ 140 კარიკატურით არის გაფორმებული, ანოტაციაში კი ვკითხულობთ: „პრეზიდენტ ფრანკლინ დონალო რუზველტს ჰქონდა რადიო, პრეზიდენტ ჯონ კენედის – ტელევიზია, პრეზიდენტ დონალდ ტრამპს კი აქვს Twitter”.
წიგნის ყდაზე აშშ-ს ლიდერი გამოსახულია პატარ მოწყენილი ბავშვის სახით, რომელიც უზარმაზარ სავარძელში ზის.
უილერის თქმით, ეს იდეა მას მეგობარმა მიაწოდა. მისი თქმით, მას აზრადაც არ გაუვლია ტრამპის დაცინვა, უბრალოდ შეეცადა მისი აზროვნების ილუსტრირებას.
ახალი წიგნი Amazon-ზე იყიდება. მყარი ყდით მისი ფასი 9,16 დოლარია, ელექტრონული ვერსია კი – 7,99 დოლარი.
Amazon-ზე უკვე მეორე კვირაა იყიდება ტუალეტის ქაღალდიც პრეზიდენტ დონალდ ტრამპის Twitter-ზე გამოქვეყნებული ფრაზებით.
დაახლოებით 2 თვის წინ ნიუ იორკში აშშ-ს პრეზიდენტის ტვიტების ბიბლიოთეკა მისივე Trump tower-ის გვერდით გაიხსნა.
