„უნდა გამოიძიონ საქმეები კონკრეტული პირების მიმართ, თვითონ პრეზიდენტზე წარდგენილი უსუსური ბრალდებები არ არის დამაჯერებელი და თითიდან გამოწოვილია“. თბილისის ყოფილმა პროკურორმა, „ნაციონალური მოძრაობის“ დეპუტატობის კანდიდატმა, ვალერი გრიგალაშვილმა „იბერიის“ ეთერში, გადაცემაში „ცენზურის გარეშე“ ისაუბრა.
„სამართლებრივი კუთხით, მიხეილ სააკაშვილის ექსტრადირება არ უნდა მოხდეს. იმ ბრალდებების გათვალისწინებით, რაც აქვს წარდგენილი, ეს ის დანაშაულებია, რაც ზოგადად გამოყენებული იქნა საქართველოს პირველი პრეზიდენტის მიმართ. პროკურატურაში გამსახურდიას პრეზიდენტობისას ვმუშაობდი და ისევ იმ წრეზე ვტრიალებთ, ეს არის პოლიტიკური შეკვეთა.
ის,რომ გენერალურმა პროკურორმა უკრაინაში მოთხოვნა გააგზავნა ექსტრადირებაზე, უხერხულია. სააკაშვილი დიდი პოლიტიკოსია და მის კარიერას ვერავინ გააჩერებს, ვერც უკრაინაში და ვერც საქართველოში“ , – განაცხადა გრიგალაშვილმა.
„ექსტრადიციის საკითხი ხელისუფლებამ მას შემდეგ გააჟღერა, რაც უკრაინულმა მხარემ მესიჯი გაავრცელა. ქართული მხარისთვისაც ექსტრადიცია იქნება თავის ტკივილი. სააკაშვილის თავის დროზე გასამართლებ ვერ მოვახერხეთ. ეს მარტო ჩვენი ნება არ იყო, ეს საერთაშორისო პოლიტიკაა. უკრაინა თუ გადმოგვცემს, იძულებული ვიქნებით, რომ მივიღოთ, მაგრამ დიდი სურვილი არ გვაქვს,რომ სააკაშვილი ე.წ მატროსოვის ციხეში ვამყოფოთ“ , – განაცხადა „ქართული ოცნების“ წევრმა, ომარ ნიშნიანიძემ.
მანანა ღოღობერიძე
