ქართულ ბაზარზე კიდევ ერთი სიახლე გამოჩნდა დედებისთვის და არა მარტო დედებისთვის. თუ თქვენს პატარასთან ერთად მოგზაურობა და სეირნობა გიყვართ, „ბაგანა“ საუკეთესო საშუალებაა, რათა სეირნობა თვქენთვის ბევრად მოსახერხებელი იყოს.
„ბაგანა“ სულ რამდენიმე თვეა რაც ქართულ ბაზარზე გამოჩნდა და დღეს უკვე დიდი მოწონებით სარგებლობს. მისმა დამფუძნებლებმა ანა ტაბატაძემ, ვეკუნა მიქელაშვილმა და თინათინ გახოკიძემ სწორად გათვლილი და შერჩეული მარკეტინგული გეგმით ადვილად მოახერხეს მომხმარებლის დაინტერესება. დამფუძნებლები პროექტ “Think Young”-ის გამარჯვებულები არიან. კონკურსში მიღებული 2000 დოლარით მათ ე.წ. „სლინგების“ შექმნა დაიწყეს.
„ბაგანა“ უკვე ყველასთვის კარგად ნაცნობი „კენგურუს“ ქართული ვერსიაა. როგორც ერთ-ერთი დამფუძნებელი „თბილისი თაიმსთან“ საუბრისას განმარტავს მისი გაუმჯობესებული ვარიანტია. ბაგანას გამოყენება ბევრად მოსახერხებელი და კომფორტულია როგორც დედისთვის, ასევე ბავშვისთვისაც. მისი გამოყენება შესაძლებელია ნულიდან ორ წლამდე ბავშვებისთვის.
„პროექტში გამარჯვების შემდეგ ძალიან მალე დავიწყეთ მოსამზადებელი სამუშაოები პროდუქციის წარმოებისთვის. ძალიან ბევრი კონსულტაცია გავიარეთ ექსპერტებთან, ჩავატარეთ კვლევები და საბოლოოდ შევთანხმდით, როგორი უნდა ყოფილიყო „ბაგანა“. ბავშვის ჩასასმელი ერთგვარი „სლინგი“, რომელიც ძალიან მოსახერხებელი და მარტივად გამოსაყენებელია.“
როგორც თინათინ გახოკიძე აღნიშნავს, მიუხედავად იმისა, რომ „ბაგანა“ მარტივად შესაკერი პროდუქტია, თუ სწორედ არ დამზადდება და არ იქნება გათვალისწინებული ყოველი დეტალი, შესაძლებელია საფრთხე შეუქმნას ბავშვსაც და მშობელსაც. ამიტომ მათი პროდუქციის შეძენა დღეს მხოლოდ ფეისბუკ გვერდის საშუალებითაა შესაძლებელი.
„რაც შეეხება მოთხოვნას,საკმაოდ დიდი მოთხოვნაა ქართულ ბაზარზე და ამის საუკეთესო მაგალითი კონკურენტების გამოჩენაცაა. თუმცა, ჩვენი პროდუქციის გაყიდვა მხოლოდ ინტერენეტის საშუალებით ხდება, არ გვინდა რომ „ბაგანა“ აირიოს პატენტში. რადგან ჩვენ თითოეულ დეტალს დიდ ყურადღებას ვაქცევთ, ამიტომ საკმაოდ ბევრი შეკვეთები გვაქვს. და ჩვენც, მაქსიმალურად ვცდილობთ დავაკმაყოფილოთ მომხმარებლების მოთოვნები.“
„სლინგის“ საუკეთესო თვისება, მშობლისა და ბავშვისთვის გადაადგილების ბარეიერის მოხსნაა. მათ ნებისმიერ სიტუაციაში მარტივად შეუძლიათ გადაადგილება. „ბაგანას“ საშუალებით შეუძლიათ იმოგზაურონ პატარასთან ერთად, ისე რომ ბავშვის უსაფრთხოება მაქსიმალურად დაცული იყოს.
„ბაგანას“ და „კენგუროს“ შორის განსხვავება დიდია. პირველი, „ბაგანაში“ ბავშვი თავსდება ნული თვიდან, „კენგურუს“ თანამედროვე მოდელში-სამი თვიდან. “ბაგანას“ მეორე დადებითი მხარე არის ის, რომ არ შეიცავს არანაირ ღილს, ელვა-შესაკრავს. თამამად შეგვიძლია ვთქვათ, რომ „სლინგში“ ბავშვი არის კონფორტულად, რადგან იგი არის შესაბამის წონასა და ზომაზე მორგებული. ასევე, „ბაგანა“ გადაადგილების მაქსიმალურად კომფორტულ საშუალებას წარმოადგენს „კენგურუსგან“ განსხვავებით, რომელიც ყოველთვის დაკავშირებულია წელის ტკივილთან. „სლინგში“ მაქსიმალურად თანაბრად ხდება წონის გადანაწილება, შესაბამისად ბავშვის ტარება ბევრად მოსახერხებელია.“
თინათინ გახოკიძე თითოეულ მომხმარებელს ურჩევს იმ ინსტრუქციების დეტალურ გაცნობას, რაც თან ახლავს პროდუქციას. გარდა ამისა, ისინი სთავაზობენ ვიდეოინსტრუქციებს, თუ როგორ უნდა მოათავსონ ბავშვი სწორად „სლინგში“, იმისთვის რომ მაქსიმალურად კომფორტულად იგრძნოს თავი.
როგორც დამფუძნებელი ამბობს, დღემდე ცდილობენ შევინარჩუნონ ერთი ფასი, რათა „ბაგანა“ იყოს სახალხო პროდუქტი. დღეს „ბაგანა“ ღირს 70 ლარი. ეს ფასი კი ხარისხთან მიმართებით საკმაოდ დაბალია.
გადაადგილებისა და წონის პრობლემის მოხსნის გარდა, „სლინგი“ გამოიყენება სამკურნალო მეთოდადაც. ექიმების რეკომენდაციით იმ ბავშვებს, რომელთაც აქვთ დისპლაზია და მენჯ-ბარძაყის პრობლემა, სპეციალურად ათავსებენ „სლინგში“.
„სამომავლოდ ვგეგმავთ გაფართოებას, ვაპირებთ დავამატოთ საბავშვო პროდუქტები, რომლებიც არ არის ფართოდ გავრცელებული ქართულ ბაზარზე. გვინდა კვლავ სიახლე და გამორჩეული პროდუქცია შევთავაზოთ ქართველ მომხმარებლებს. ვაპირებთ თანამშრომლების დამატებას და გვინდა რომ ჩამოვაყალიბოთ სოციალური მეწარმეობის ის კონკრეტული სფერო, რომელიც მიბმული იქნება დისტანციურ სამუშაოსთან. მშობლებს, რომლებსაც მუშაობის პრობლემა ექმნებათ სამუშაო საათებიდან გამომდინარე, დისტანციურად ექნებათ შესაძლებლობა დასაქმდნენ ჩვენს კომპანიაში სხვადასხვა მიმართულებით.“
მარიამ ლეკიაშვილი
