2018 წლის სახელმწიფო ბიუჯეტის პროექტით, ჯანდაცვის სამინისტროს დაფინანსება, მიმდინარე წელთან შედარებით, 111,2 მილიონი ლარით იზრდება და 3 მილიარდ 527 მილიონ ლარს შეადგენს. ინფორმაციას 1tv ავრცელებს.
სოციალური დაცვისა და საპენსიო უზრუნველყოფისთვის გათვალისწინებულია 2 463.2 მილიონი ლარი, ჯანმრთელობის დაცვის პროგრამებისთვის კი 982.8 მილიონ ლარამდე.
ბიუჯეტის პროექტით, 2018 წელს სასწრაფო გადაუდებელ დახმარებასა და სამედიცინო ტრანსპორტირებაზე 39 მილიონი, სოფლის ექიმის პროგრამაზე – 26, რეფერალურ მომსახურებაზე – 22.3 , ქრონიკული დაავადებების სამკურნალო მედიკამენტებით უზრუნველყოფაზე – 10, ხოლო სამედიცინო დაწესებულებათა რეაბილიტაციისა და აღჭურვისთვის – 25 მილიონი ლარი გამოიყოფა.
მთავრობამ მომავალი წლის სახელმწიფო ბიუჯეტის პროექტი, რეგლამენტის შესაბამისად, პარლამენტს 1 ოქტომბრამდე წარუდგინა.
