ქართულ ბაზარზე ახალი საერთაშორისო სადაზღვევო კომპანია შემოვიდა, რომელიც მომხმარებელს ახალ და ინოვაციურ მიდგომებს სთავაზობს. რისკების მართვისა და სადაზღვევო კომპანია „გლობალ ბენეფიტს ჯორჯია” უკვე რამდენიმე თვეა საქართველოს ბაზარზე ოპერირებს. “თბილისი თაიმსს” კომპანიის შესახებ გენერალური დირექტორის მოადგილე ანა გვენეტაძე ესაუბრა. მისი პარტნიორია საერთაშორისო სადაზღვევო კომპანია „გლობალ ბენეფიტს გრუპი” (GBG), რომელიც 1981 წელს ამერიკაში, კალიფორნიის შტატში დაფუძნდა.
უპირველეს ყოვლისა, რომ მოგვიყვეთ რამდენი ხანია რაც კომპანია შემოვიდა ქართულ ბაზარზე?
– კომპანია სულ რამდენიმე თვეა, რაც ქართულ ბაზარზე შემოვიდა. ბოლო 36 წლის განმავლობაში, ბაზარზე, ჯანმრთელობის დაცვის, სადაზღვევო და სიცოცხლის დაცვის პროდუქტების ძირითადი მიმწოდებელია. ვაჭრობს ლონდონის საფონდო ბირჟაზე და წარმომადგენლობითი ოფისები და დიდი რეგიონალური გუნდი ჰყავს მსოფლიოს 120 ქვეყანაში. კომპანიის მთავარი სეგმენტი საერთაშორისო ორგანიზაციების, დიდი კორპორაციების, დიპლომატიურ კორპუსის წარმომადგენლები და საერთაშორისო სტუდენტები არიან. აღსანიშნავია, რომ „ბენეფიტსი“ საქართველოში „გლობალ ბენეფიტს გრუპის” ექსკლუზიური რეგიონული წარმომადგენელია.
რა მომსახურებებს სთავაზობთ მომხმარებელს?
– „ბენეფიტსი” მომხმარებელს სრულ სადაზღვევო პაკეტს სთავაზობს – სიცოცხლის, ჯანმრთელობის, ქონების და მასთან დაკავშირებული რისკების, ბიზნესის უსაფრთხოებისა და პროფესიული პასუხისმგებლობის დაზღვევა.
გაქვთ თუ არა ინდივიდუალური დაზღვევა და რა სახის მომსახურებებს სთავაზობთ მომხმარებელს?
– ამ ეტაპზე კომპანია მხოლოდ კორპორაციულ სექტორს ემსახურება. სიცოცხლისა და ჯანმრთელობის დაზღვევა ჩვენთან სრულიად განსხვავებული და ინოვაციურია ქართულ ბაზარზე. „ბენეფიტსის“ პოლისის მფლობელებს ემსახურებათ 10 000-ზე მეტი სამედიცინო დაწესებულება მსოფლიოს მასშტაბით, მათ მხოლოდ ბარათის წარდგენა სჭირდებათ, შეუძლიათ აირჩიონ მათთვის სასურველი სამედიცინო დაწესებულება არამხოლოდ საქართველოში (ამას სრულად ასახავს ჩვენი სლოგანი – „დაზღვევა საზღვრებს გარეშე“), „ბენეფიტსის“ უნიკალური პროდუქტია კრიტიკული დაავადებების დაზღვევა, რომელიც აერთიანებს ისეთ დაავადებებს, როგორებიცაა ნებისმიერი ფორმის სიმსივნე, ინსულტი, გულის შეტევა, თირკმლის უკმარისობა, მრავლობითი სკლეროზი, კორონარული არტერიის შუნტირება და ძირითადი ორგანოს გადანერგვაც კი რთული დიაგნოზის დადგენისას, პოლისის მომხმარებელს შეუძლია მიიღოს ერთჯერადი ფულადი ანაზღაურება 20 000, 50 000 ან 100 000 ევროს ოდენობით.
რითი განსხავდება “ბენეფიტსი” სხვა კომპანიებისგან?
– განსხავება მართლაც ბევრია, თუმდაც როგორც აღვნიშნე მისი გლობალურობა. ასევე, „ბენეფიტსის” უნიკალური პროდუქტია Student Protector, რომელიც სპეციალურად იმ სტუდენტებისთვის არის შექმნილი, რომლებიც საზღვარგარეთ მიდიან სასწავლებლად ან სხვა ქვეყნებიდან საქართველოში ჩამოდიან ამ მიზნით. გარდა ამისა, კომპანიას აქვს ანაზღაურების მაღალი ლიმიტები და მოქნილი სისტემა, მათ შორის, ონლაინ რეჟიმში. „ბენეფიტსის“ მომხმარებელს ემსახურება პირადი მენეჯერი, რომელიც პირადად უგვარებს ყველა პრობლემას, აკვალიანებს, არ ზღუდავს და მთელ პროცესში ინდივიდუალურად არის ჩართული.
რამდენად კონკურენტულები ხართ ქართულ ბაზარზე და როგორა კონკურენცია?
– „ბენეფიტსი“ არის კომპანია უნიკალური პროდუქტებითა და განსხვავებული მიდგომებით. მიუხედავად იმისა, რომ ქართულ ბაზარზე კონკურენცია მაღალია, ორგანიზაციები, რომლებიც ზუსტად აღიქვამენ ღირებულებას, რომელსაც მხოლოდ ჩვენი კომპანია უქმნის, ირჩევენ „ბენეფიტსს“.
როგორია სიცოცხლისა და ჯანმრთელობის დაზღვევის ფასები?
– სიცოცხლისა და ჯანმრთელობის ფასები განსხვავებულია და განისაზღვრება კორპორაციის სიდიდის, გეოგრაფიული არეალის, მომხმარებელთა ასაკობრივი კრიტერიუმების მიხედვით
როგორია კომპანიის სამომავლო გეგმები?
– კომპანიის გეგმები მრავალმხრივია, მთავარი ღირებულება, როგორიცაა განსხვავებული მიდგომები და პროდუქტის უნიკალურობა, შენარჩუნდება, გაძლიერდება და ამით კიდევ უფრო მეტი აქცენტი გაკეთდება მომხმარებლის კმაყოფილებაზე, რაც ასევე ჩვენი ერთ-ერთი უმთავრესი ღირებულებაა.
მარიამ ლეკიაშვილი
