„ბიძინა ივანიშვილმა კოალიციური ცხოვრების შუა წელზე აღმოაჩინა,რომ თავიდან ის ცდებოდა. თუ თავიდან ის იყო ახალი გუნდის შექმნის მომხრე, მან ეს აზრი შეიცვალა. იგივე დაემართა მიხეილ სააკაშვილს,ოღონდ უფრო ადრე“ , – ამის შესახებ პარლამენტის ყოფილმა თავმჯდომარემ, „შენების მოძრაობის“ ლიდერმა დავით უსუფაშვილმა „ტვ პირველზე“, გადაცემა „პირველების“ ეთერში ისაუბრა.
„ივანიშვილს ჩემგან უნდოდა მორჩილი პარტნიორი. მორჩილება და პარტნიორობა შეუთავსებელი ცნებებია. ჩვენი ფილოსოფიური კრედოა, მივაღწიოთ იმას,რომ კოალიციური მმართველობის კულტურა დამკვიდრდეს.ჩვენს პროგრამასთან ყველაზე ახლოს მყოფი პოლიტიკური პარტიები შესაძლოა იყვნენ ჩვენი პარტნიორები.
საქართველოს მოსახლეობა იგრძნობს ხელისუფლების ზრუნვას მხოლოდ მაშინ,როდესაც პოლიტიკური ძალები იქნებიან მზად თანამშრომლობისთვის. ცუდია რადიკალიზმი, მტრობაზე აგებული პოლიტიკური ცხოვრება, კარგია კოალიციური ხელისუფლება,როდესაც პარტიებს ერთმანეთი სჭირდებათ.
მე ჩემი თავი ამოვწურე რესპუბლიკურ პარტიაში და ამ პარტიის მიდგომებმა ზოგადად ამოწურა თავი ქართულ პოლიტიკაში. ისინი აგრძელებენ მოღვაწეობას და მათ წარმატებებს ვუსურვებ, ქვეყანას სჭირდება მეტი. ჩვენ ცენტრისტული მოძრაობა ვართ, ხელისუფლებას უნდა ებრძოლო,ერჩოლო ეფექტურად და არა რადიკალურად. ჩვენ გვსურს მოგება სწორი, ევოლუციური გზით,ცენტრიზმი ნიშნავს რაციონალიზმს“ , – განაცხადა დავით უსუფაშვილმა.
მანანა ღოღობერიძე
