„რა თქმა უნდა ნომერ პირველი საფრთხე არის ოკუპაცია, მაგრამ ეს არ ნიშნავს,რომ სხვა საფრთხეებისგან ვართ დაცულები. ტოტალური თავდაცვა, მოწინააღმდეგის შეკავება, აქ უაღრესად მნიშვნელოვანია ის გამოცდილება,რომელსაც ქართული შეიარაღებული ძალები საერთაშორისო მისიებში იღებენ“ , – ქართული სამშვიდობო მისიების მნიშვნელობის შესახებ პრეზიდენტის მრჩეველმა საგარეო ურთიერთობათა საკითხებში თენგიზ ფხალაძემ „ტვ პირველზე“, გადაცემაში „ნატო პირველზე“ ისაუბრა.
„უსაფრთხოება არ არის განყენებული ცნება, მითუმეტეს როცა ვსაუბრობთ ტერორიზმზე და ამ ტიპის გამოწვევებზე. ჯარისკაცის პროფესიული ზრდა, გაწვრთნა, მსგავსი მისიებით ხდება. როდესაც ვსაუბრობთ,რომ ჩართული ვართ ნატო-ს სწრაფი რეაგირების ძალებში, ჩვენი ძალები არის თავსებადი ნატო-ს შეიარაღებულ ძალებთან, იმის დამსახურებაა,რომ 14 ათასმა სამხედრომ გამოიარა ეს სკოლა და პროფესიონალიზმი აიმაღლეს.1999 წლიდან დღემდე სამხედროების მომზადების დონე თვისობრივად შეცვლილია.
საფრთხეები ერთმანეთზეა გადაჯაჭვული, 25 წელზე მეტია ვართ ჰიბრიდულ ომში და ვსწავლობთ სხვადასხვა ტიპის საფრთხეებთან გამკლავებას. 2008 წელს არ იყო მხოლოდ ჰიბრიდული ომი. ეს იყო პირდაპირი აგრესია სახელმწიფოს წინააღმდეგ. თუმცა იყო მნიშვნელოვანი ეპიზოდები,როდესაც ჩვენი შეიარაღებული ძალები იყვნენ მოწოდების სიმაღლეზე. იმ ტექნოლოგიებთან მოპყრობა, რასაც იქ ქართველი ჯარისკაცები ეუფლებიან, საბოლოო ჯამში აძლიერებს ქართულ არმიას და გვხდის უფრო მეტად ძლიერებს საფრთხეების წინაშე“ , – განაცხადა თენგიზ ფხალაძემ.
მანანა ღოღობერიძე
