„არავინ ამბობს, რომ ვინმე წავა სახლში, თანამშრომლების გათავისუფლება მოხდება. ერთ-ერთ მინისტრს ჰკითხეს გამოიწვევს თუ არა ეს ცვლილებები უმუშევრობის ზრდას და არაო. ცვლილებები ამ მოტივით არ მომხდარა“, – ამის შესახებ, ასისტენტ-პროფესორმა გიორგი მიქანაძემ „ტვ პირველზე“, გადაცემა „რეაქციას“ ეთერში ისაუბრა.
„პროცესი რომელიც ახლა მთავრობაში მიდის, არის ცენტრალიზაცია. საუბარია უწყებების გაერთიანებაზე. მართვის თანამედროვე მიდგომებიც არის დეცენტრალიზებული მმართველობა. მთავარია ნიჭი და შესაძლებლობა, როგორ გამართავ ამ სისტემას. ამ პროცესში არის კადრების სერიოზული პრობლემა.
მმართველი გუნდის პოლიტიკა, როდესაც მოჰყავთ ჯეჯელავა, ტრანსფორმაციული ლიდერი და ახდენს მენტალურ რევოლუციებს, ეს არის გრძელვადიანი ნაღმები, რასაც ის დებდა. „აურია“ ყველაფერი და ერთი წლის მერე მიდის, ჯეჯელავას გაფუჭება მოხდა. ახალ მინისტრსაც გენიალური ბიოგრაფია აქვს, მაგრამ მმართველობაში და გუნდში როგორი იქნება სხვა საკითხია. სამინისტრო ერწყმის სამინისტროს, სრულიად აირია ყველაფერი და რამდენი დრო დასჭრდება მენეჯმენტის, თანამშრომლების გადალაგებას, მომავალი წელიწადნახევარი კიდევ გვაქვს კითხვის ნიშნები.
ერთი და იგივე კადრები მონაცვლეობენ სხვადასხვა პასუხისმგებელ თანამდებობებზე. სამინისტროებზე მეტად ძალა არის პიროვნებებში, რომ გავიხსენოთ კახა ბენდუქიძის ფაქტორი. ჯეჯელავაც იყო ასეთი, მაგრამ მას არ ჰქონდა ზურგი. ასეთი პოლიტიკის გამო კარგი კადრები ამბობენ უარს, რომ მოვიდნენ ხელისუფლებაში“, – განაცხადა გიორგი მიქანაძემ.
მანანა ღოღობერიძე
