„მე მიმაჩნია,რომ რეკლამის ბაზარზე ისინი არ უნდა შევიდნენ. დღევანდელ მოცემულობაში არ არის ლოგიკური,რომ არ დაზარალდება კერძო სარეკლამო ბაზარი“ , – საზოგადოებრივი მაუწყებლის რეფორმის და კომერციული რეკლამის განთავსების შესახებ პარლამენტის დარგობრივი ეკონომიკის კომიტეტის თავმჯდომარემ, რომან კაკულიამ „იმედზე“, გადაცემა „ქრონიკის“ ეთერში ისაუბრა.
„მგონია,რომ საზოგადოებრივი მაუწყებელი თუ თავის გამოწვევას კარგად გააცნობიერებს, შეძლებს საზოგადოების მოთხოვნის დაკმაყოფილებას. ამ ეტაპზე მიუკერძოებელი ინფორმაციის გაშუქება არის მნიშვნელოვანი. მათ უნდა იცოდნენ,რომ ჩვენი ინტერესი სხვა არაფერია თუ არა მაღალი ხარიხის საზოგადოებრივი მხარდაჭერით შექმნილი საზოგადოებრივი მაუწყებელი.უმრავლესობის პოზიციაა,რომ ჩვენი შენიშვნები რეკლამასთან, სამეთვალყურეი საბჭოსთან, სტარტაპ პროექტებთან დაკავშირეით თუ არ იქნება გათვალისწინებული, მომდევნო მოსმენით კანონპროექტს ვერ დავუჭერთ მხარს.
საკითხავია ღირს თუ არა ორ მილიონიანი რეკლამის გამო აჟიოტაჟის ატეხვა. ორი მილიონი არ არის ის თანხა,რომელიც გაზრდის ან შეამცირებს დამოკიდებულებას საზოგადოებრივ მაუწყებელსა და მთავრობას შორის. ჩემი აზრით ამ არხმა მენეჯმენტის გააზრებით უნდა მოახერხოს დისტანცირება ყველანაირი ზეწოლისაგან. თავისთავად ხელისუფლებასაც არ გამოუვლენია ზეგავლენის სურვილი“ , – განაცხადა რომან კაკულიამ.
მანანა ღოღობერიძე
