„ვეთანხმები დიპლომატებს,ბევრია სამუშაო, რომ ჩვენი ქვეყნის ცნობადობა მეტად იყოს გატანილი ევროპასა და სხვა ქვეყნებში. ამას თვითონ ბიზნესი უნდა აკეთებდეს, ისევე,როგორც ქართული ღვინო თვითონ ქმნის თავის იმიჯს და სახელს“ , – საქართველოს ეკონომიკური დიპლომატიის შესახებ საქართველო-ევროკავშირის ბიზნესსაბჭოს ხელმძღვანელმა სანდრო ჭუმბურიძემ „ტვ პირველზე“, გადაცემა „საქმის კურსის“ ეთერში ისაუბრა.
„ვიშეგრადის ოთხეული, ჩეხეთი,სლოვაკეთი, უნგრეთი, პოლონეთი, განსაკუთრებით მნიშვნელოვანია საქართველოსთვის, მათ ძველი დროიდან ახსოვთ ქართული პროდუქციის ხარისხი. შესაძლებელია გაცხოველდეს, გაძლიერდეს ეკონომიკური ურთიერთობები ამ ქვეყნებთან. საკმაოდ დაბალია სავაჭრო ბრუნვა თუნდაც პოლონეთთან, ამის მთავარი ხელისშემშლელი ფაქტორი შეიძლება იყოს ხარისხი.
თუ ქართველ მეწარმეს არ ექნა ევროპული სტანდარტის შესაბამისი ხარისხი, ევროპულ ბაზარზე ფეხს ვერ მოიკიდებს. ასევე საჭიროა რეგულაციების ცოდნა, თუ როგორ უნდა მოიპოვო პარტნიორი. ევროკავშირ-საქართველოს ბიზნეს საბჭოს აქვს დიდი პროექტი, გავაგრძელებთ პრაღაში, ბრატისლავაში და ვარშავაში ფორუმების ჩატარებას, რომელიც ხელს შეუწყობს ევროპულ-ქართული ეკონომიკური ურთიერთობების დაახლოვებას“ , – განაცხადა სანდრო ჭუმბურიძემ.
მანანა ღოღობერიძე
