„არ იყო აუცილებლობა, რომ კახი კალაძე საკრებულოში მისულიყო. უნდოდათ,რომ აქცენტი გადაეტანათ მთავრობის დამტკიცებიდან პირადად კახი კალაძეზე და თემები სხვა მიმართულებით გაეშალათ. ოპოზიციას ეს არ გამოუვიდა, რაც არის მათი უკმაყოფილების მიზეზი“ , – ამის შესახებ თბილისის ვიცე-მერმა ირაკლი ხმალაძემ „იმედზე“, „ქრონიკის“ ეთერში ისაუბრა.
„არ ქმნის უხერხულობას მერის არდასწრება. კახი კალაძე არის არჩეული მერი, მას უფლებამოსილება უკვე აქვს და არ სჭირდებოდა საკრებულოს თანხმობა, ამიტომ მხოლოდ ისინი ვიყავით საკრებულოში, ვის არჩევასაც თანხმობა სჭირდებოდა. გუშინ საკრებულოს უნდა მოესმინა მთავრობის წევრებისთვის, ოპოზიციას კი აქცენტის სხვა თემაზე გადატანა უნდოდათ.
რაც შეეხება ნიკოლეიშვილთან დაკავშირებულ ბრალდებებს, ასეთი შეფასებით შესაძლოა სუს-ის წარმომადგენელი მეც მიწოდონ. დედაქალაქს ახალი მერი ჰყავს და მოადგილეები განსხვავებულ დავალებებს მიიღებენ, კეთილსინდისიერად გააგრძელებნ საქმიანობას. ეს არის კახი კალაძის მენეჯერული გადაწყვეტილება, ის გამოირჩევა სწორი მენეჯერული უნარებით.
მერიის ბიუჯეტს დასაწუნი არაფერი აქვს. უბრალოდ კახი კალაძე ახალი გეგმით, ახალი დაპირებებით არის მოსული და ვალდებულები ვართ ჩვენი სამუშაო გეგმა მოვარგოთ ამ დაპირებებს. მაგალითად საზოგადოებრივი ტრანსპორტების ჩანაცვლების, მეტროს ვაგონების დამატების, განახლების პროგრამას. კახი კალაძე უწყვეტად მუშაობს ფინანსთა სამინისტროსთან,რომ 2018 წლის ბიუჯეტი გაიზარდოს“ , – განაცხადა ირაკლი ხმალაძემ.
მანანა ღოღობერიძე
