„ბუნებრივია აბსოლუტურად მიუღებელია ელექტროშოკის ტარება ნებისმიერი ასაკის მოსწავლისთვის. პრევენციული ღონისძიებებით უნდა შევძლოთ რისკის მინიმიზაცია,რომ თავდაცვის და ნებისმიერი სახის ცივი იარაღი აღარ იყოს სკოლებში აღმოჩენილი“ , – რუსთავის მე-18 საჯარო სკოლაში მოსწავლეს ელექტროშოკი აღმოაჩნდა. ამ ფაქტის შესახებ პარლამენტის განათლების კომიტეტის თავმჯდომარემ, მარიამ ჯაშმა „იმედზე“, გადაცემა „ქრონიკის“ ეთერში ისაუბრა.
„მძიმე ტრაგედიის შემდეგ გამკაცრებულია კონტროლი სკოლებში. მედიის და საზოგადოების დახმარებით დღეს გვაქვს პერიოდი,როდესაც სკოლებში უსაფრთხოების საკითხების სისტემური გადახედვა უნდა მოხდეს. ამისთვის არსებობს უწყებათაშორისი კომისია. სკოლის უსაფრთხოების მიდგომა არის მრავალფეროვანი და ხელმისაწვდომობის საკითხებსაც მოიცავს.
დღეს მიმდინარეობს ორი ტიპის მონიტორინგი და კონტროლი, 1 დეკემბრის ტრაგედიის შემდეგ გაძლიერებულია მონიტორინგი და თანამშრომლობა პოლიციასა და მანდატურებს შორის. მომდევნო კვირისთვის გვექნება სრული მონახაზი, თუ რა შეიძლება გაკეთდეს უსაფრთხოებისთვის. ეს მხოლოდ ცივი იარაღების კონტროლს არ ეხება.
ვიცით,რომ პირდაპირი კავშირია ძალადობის შემცირებასა და სახელოვნებო და სპორტულ აქტივობებში ჩართვას შორის. ასევე გადასახედია კანონმდებლობა,რომ დაიხვეწოს რეგულაციები, ბულინგის დეფინიციის, მანდატურის სამსახურის კომპეტენციის და სხვა საკითხების“ , – განაცხადა მარიამ ჯაშმა.
მანანა ღოღობერიძე
