„როდესაც „ქართულ ოცნებას“ უსვამენ კითხვას გუშინდელ ინციდენტზე, ყველას აქვს ერთი მესიჯ-ბოქსი,რომ პრემიერმა დაიცვა თავისი ღირსება. დღეს უფრო მძიმეა კვირიკაშვილის მდგომარეობა, ვიდრ იყო გუშინ. ნორმალურ ქვეყანაში პრემირი პარლამენტში აღარ მოვიდოდა და სახლში დარჩებოდა” , – პარლამენტის სხდომაზე მომხდარი დაპირისპირების შესახებ „ნაციონალური მოძრაობის“ ერთ-ერთმა ლიდერმა ნიკა მელიამ „ტვ პირველზე“, გადაცემა „რეაქციის“ ეთერში ისაუბრა.
„იქ იყო კომპლექსური საუბარი, ის საუბრობდა სისტემაზე,რომელიც მანდატურის ინსტიტუტს უკავშირდებოდა და დაადანაშაულა წინა ხელისუფლება. ამას მოჰყვა ჩემი რეპლიკა,რომ ეს ხელისუფლება არ უნდა საუბრობდეს მანდატურის კარგ სისტემაზე რამდენიმე დღის წინ მომხდარი ტრაგედიის შემდეგ. ეს იყო მხოლოდ ერთ-ერთი ბრალდება. თუ რამე განგვასხვავებს „ქართული ოცნებისგან“ არის სწორედ ზნეობა და მორალი. არის ეს ადამიანი უუნარო მმართველი და ეს წყინს. მას არ აქვს არც შესაბამისი კომპეტენცია, არც ლიდერის უნარ-ჩვევები, არც გამოცდილება. 5 წლის განმავლობაში „ქართულმა ოცნებამ“ 650 მილიონი ლარით გაზარდა ბიუროკრატიული ხარჯები, 15 ათასი საჯარო მოხელით მეტი მუშაობს დღეს, ვიდრე წინა ხელისუფლებაში.
საზოგადოებრივი არხის მხრიდან ამ მოვლენის გაშუქება იყო სამარცხვინო, რაც არ ისმის და ვერ ვნახე ვერც ერთ ვიდეომასალაში, ბევრად უარესი თქვა სანამ დატოვებდა სხდომათა დარბაზს. არ მეგულება ადამიანი,რომელიც ამართლებს მის გუშინდელ საქციელს. ის არის აბსოლუტურად გაუწონასწრებელი ადამიანი, ეგონათ ღარიბაშვილის ანტიპოდი. თუმცა, ეტყობა ვერ გაუძლო იმ პასუხისმგებლობას, რომელიც მას აკისრია. როგორც ჩანს პროვოკაციად მიიჩნევენ მწვავე კითხვების დასმას.
როდესაც შუაგულ თბილისიდან იტაცებენ ჟურნალისტს, თავზე ტომარას აცმევენ და ამ ყველაფერს პოლიციის ფორმაში ჩაცმული ადამიანები აკეთებენ, ეს არ არის სისტემური დანაშაული? ვინ არის პასუხისმგებელი, კვირიკაშვილის პასუხი არის,რომ მიმდინარეობს გამოძიება“ , – განაცხადა ნიკა მელიამ.
მანანა ღოღობერიძე
