დაახლოებით ერთი თვის წინ, „სარაჯიშვილის სახლმა“ ახალი, სრულიად უნიკალური პროდუქცია- TRILOGY შესთავაზა ქართველ მომხმარებლებს. როგორც ცნობილია „სარაჯიშვილის სახლის“ პროდუქცია სამ ხაზად იყოფა: კლასიკური, უნიკალური და ვინტაჟური. TRILOGY სწორედ უნიკალური ხაზის ერთ-ერთი გამორჩეული ახალი პროდუქტია.
როგორც კომპანიაში „თბილისი თაიმსთან“ საუბრისას აცხადებენ, TRILOGY სამი ჯიშის ყურძნის ჰარმონიულ სინთეზს. ციცქა იმერეთიდან, ჩინური ქართლიდან და რქაწითელი კახეთიდან – დასავლეთ და აღმოსავლეთ საქართველოს ზონების გაერთიანება ერთ სითხეში, განსაკუთრებით ეგზოტიკურს ხდის მას და სძენს შეუდარებელ არომატებს.
ტრილოგია ვიზუალურ ფორმაშიც ადვილი აღსაქმელია- ის სამკუთხედის ფორმებით არის გამოხატული. ელეგანტური დიზაინის ბოთლი სრულდება ბროლის თავსახურით, რომელიც ბოთლის ფორმას იმეორებს. უძველესი, დახვეწილი სითხის და ორიგინალური ბოთლის სრულყოფილი კომბინაცია TRILOGY-ს იდეას რეალობად აქცევს და აგვირგვინებს მას.
“სარაჯიშვილის სახლის“ თქმით, Trilogy არის პროდუქტი, რომელიც ხაზს უსვამს კომპანიის ორიგინალურობას და მისი უნიკალურობიდან გამომდინარე, გულგრილს არ დატოვებს მომხმარებელს.
“სარაჯიშვილის სახლი საქართველოში არსებული ერთ–ერთი უძველესი კომპანიაა. კომპანიას 133 წლიანი ტრადიცია და გამოცდილება მაღალი ხარისხის სასმელის წარმოებაში. ბრენდის უკან დგას, სამსაუკუნოვანი ისტორია, რაც ჩვენთვის სტიმულის მომცემია, რომ მუდმივად ვიყოთ განვითარებაზე ორიენტირებული და შემოგთავაზოთ საინტერესო სიახლეები. სწორედ აქედან გამომდინარე შევქმენით ტრილოგია, რაც აერთიანებს სამი საუკუნის, სამი სხვადასხვა სხვადასხვა რეგიონის სამ სხვადასხვა ჯიშს.“
ახალი სასმელი სარაჯიშვილის სახლმა ლიმიტირებული რაოდენობით – სულ 1000 ცალი გამოუშვა. TRILOGY-ს თითოეული ბოთლი გრავირებულია უნიკალური კოდით და მინიჭებული აქვს ნომერი. ყველა ბოთლს მოყვება შესაბამისი პასპორტი 3 ენაზე. TRILOGY-ს ღირებულება 6 000 ლარია.
მარიამ ლეკიაშვილი
