„ხარვეზებზე განცხადება რამდენიმე არასამთავრობო ორგანიზაციამ გააკეთა, თუმცა ეს არ არის პირველი შემთხვევა,როდესაც რომელიმე ორგანიზაცია ამბობს,რომ მოსამართლეთა დანიშვნის პროცესში არის ხარვეზები“ , – მოსამართლეთა გამწესების ხარვეზებზე,მათი შერჩევის კონკურსის შესახებ შენიშვნებზე იუსტიციის უმაღლესი საბჭოს წევრმა ანა დოლიძემ „ტვ პირველზე“, გადაცემაში „ლევან ჩხაიძის დღის ამბები“ ისაუბრა.
„მთავარი პრობლემაა,რომ სისტემა უნდა გაიხსნას. ყველა ანგარიშში, ყველა შენიშვნაში მთავარი ხაზია,რომ სისტემა უნდა გახდეს ღია, ხელმისაწვდომი, სისტემაში ახალი ხალხი უნდა შევიდეს. იუსტიციის სკოლას არ უნდა აკონტროლებდეს მხოლოდ იუსტიციის საბჭო. ეს არ იძლევა საშუალებას, რომ სისტემაში ახალი ხალხი შევიდეს,როგორც ახალი სისხლი. ინსტიტუციურად ისე არის მოწყობილი მართლმსაჯულების სისტემა, რომ არაფერი შეცვლილა, რეფორმების ტალღები სინამდვილეში არის წვეთები.
ხალხი,რომელიც დღეს ეკრანზე ჩანან არიან სააკაშვილის დროს კარგი პოლიციელობისთვის, კარგი პროკურორობისთვის წახალისებული პირები. სისტემა არის სტაგნაციის პროცესში, ყველაფერს აკონტროლებს ერთი ორგანო,რომელშიც ასევე განუახლებელი შემადგენლობაა. ამას ბევრი მიზეზი აქვს, შეიძლება ვიდაოთ არის თუ არა პოლიტიკური ნება. თუნდაც იუსტიციის სკოლაში არ მომხდარა ფუნდამენტური ცვლილება, რომ გამოსულიყო რამდენიმე ადამიანის კონტროლიდან“ , – განაცხადა ანა დოლიძემ.
მანანა ღოღობერიძე
