“განათლების სამინისტროს ვურჩევდი, რომ მოახერხოს პედაგოგების ფსიქოლოგიური გადამზადება. არამარტო მოსწავლეების, არამედ პედაგოგთა ფსიქოლოგების შტატი თუ იარსებებს სკოლებში, იდეალური იქნება, რადგან თვითონ მასწავლებლებსაც სჭირდებათ ამ მხრივ დახმარება. მათ თუ ექნებათ ფსიქოლოგთან შეხება, თავის პირად პრობლემას აღარ გადამოანთხევენ ბავშვზე,” – ამის შესახებ, ფსიქოლოგი ნინო თოფურია “თბილისი თაიმსთან” აღნიშნავს.
მისი თქმით, სკოლაში მომუშავე ყველა ადამიანი ვალდებულია საბაზისო დონეზე მაინც იცოდეს ფსიქოლოგია.
“მანდატურის სამსახურს მივესალმები, ოღონდ გარკვეულწილად, იმიტომ რომ, სამწუხაროდ, პროფესიონალიზმის პრობლემა არსებობს. მანდატური პოლიციელთან არის გაიგივებული და დამსჯელობითი ფუნქცია აქვს. ვფიქრობ, ის ფსიქოლოგიც უნდა იყოს, ისევე როგორც ნებისმიერი პედაგოგი. მე არ ვამბობ, რომ მაინცდამაინც უნივერსიტეტი უნდა ჰქონდეთ დამთავრებული, მაგრამ რაღაც კურსების გავლა აუცილებელი უნდა იყოს. ერთი სიტყვით, ვთლი, რომ სკოლაში მომუშავე ყველა ადამიანი ვალდებულია საბაზისო დონეზე მაინც იცოდეს ფსიქოლოგია, კერძოდ, ასაკობრივი თავისებურებები, სქესობრივი მომწიფება- ქცევები პუბერტატის დროს და სხვ. ამის გარეშე შეუძლებელია ძალადობა და ბუნებრივი პროცესი ერთმანეთისგან გავმიჯნოთ.
განათლების სამინისტროს ვურჩევდი, რომ მოახერხოს პედაგოგების ფსიქოლოგიური გადამზადება.
არამარტო მოსწავლეების, არამედ პედაგოგთა ფსიქოლოგების შტატი თუ იარსებებს სკოლებში, იდეალური იქნება, რადგან თვითონ მასწავლებლებსაც სჭირდებათ ამ მხრივ დახმარება. მათ თუ ექნებათ ფსიქოლოგთან შეხება, თავის პირად პრობლემას აღარ გადამოანთხევენ ბავშვზე.
არაჩვეულებრივია სკოლებში მშობლეთა კლუბების ჩამოყალიბება, სადაც მშობლები ივლიან და ერთმანეთს პრობლემებს გაუზიარებენ. კარგი იქნება თუ ჩამოყალიბდება თერაპიული წრეები; მრგვალი მაგიდები, სადაც გაირჩევა აქტუალური პრობლემები და ა.შ.
მშობლები თვითონ უნდა ინტერესდებოდნენ, რომ იარონ ტრენინგებზე, ან თუნდაც ინტერნეტში უყურონ შემეცნებით ვიდეოებს, რითიც შეძლებენ შვილებთან ერთად თავიანთი პრობლემების გადაჭრასა და სასწავლო პროცესის გაუმჯობესებას.”
ინტერვიუს სრული ვერსია იხილეთ: www.ttimes.ge
აკაკი ალაგარდაშვილი
