რუსეთის საგარეო საქმეთა მინისტრის მოადგილის, სერგეი რიბაკოვის თქმით, მოსკოვი აშშ-ის გადაწყვეტილებას 60 რუსი დიპლომატის გაძევების შესახებ სათანადოდ უპასუხებს. რა იგულისხმება საგარეო საქმეთა მინისტრის მუქარაში ჯერჯერობით უცნობია, თუმცა რიბაკოვი განცხადებაში აშშ-სთან მოლაპარაკებებს არ გამორიცხავს და ამბობს,რომ „ოფიციალური მოსკოვი კვლავ ღია არის ვაშინგტონთან სტაბილურობის შესახებ მოლაპარაკებებისათვის“.
ოფიციალური მოსკოვის განცხადებაში ასევე ნათქვამია,რომ NATO-სა და ევროკავშირის წევრი ქვეყანა ჯაშუშ სკრიპალებთან დაკავშირებით საქმის დეტალებს არ გაცნობია და დიდი ბრიტანეთის მოწოდებას დაუფიქრებლად აჰყვა. რიბაკოვის თქმით, ეს „კონფრონტაციული ხაზის გაგრძელებას და სიტუაციის ესკალაციის მცდელობას წარმოადგენს.“
მას შემდეგ,რაც ქალაქ სიეტლში რუსეთის საკონსულო დაიხურა და აშშ-ს პრეზიდენტმა დონალდ ტრამპმა რუსი დიპლომატების გაძევების შესახებ ინფორმაცია დააანონსა, ევროპის სხვა ქვეყნებმაც იგივე გადაწყვეტილება მიიღეს. მთლიანობაში საუბარია 20-ზე მეტ ქვეყანაზე,რომელშიც სულ მალე რუსი დიპლომატები ვეღარ აწარმოებენ მოლაპარაკებებს. შეგახსენებთ, რომ დიდ ბრიტანეთში ყოფილი რუსი ჯაშუშის, სერგეი სკრიპალისა და მისი ქალიშვილის რუსული ქიმიური იარაღით მოწავმლის საპასუხოდ რუსეთთან მოლაპარაკებები გაწყვეტა დიდმა ბრიტანეთმა.
ბოლო, დაუზუსტებელი ინფორმაციით, რუსეთის 136 დიპლომატს 22 ქვეყნიდან გააძევებენ (წყარო : CNN).
ევროპის ქვეყნების პარალელურად, მკაცრი და მწვავე განცხადებები გაკეთდა ავსტრალიაშიც. ქვეყნის საგარეო საქმეთა მინისტრმა განაცხადა, რომ შესაძლოა რუსეთის წინააღმდეგ სხვა ქმედებებიც განიხილონ.
შესაძლოა 2018 წლის მსოფლიო ჩემპიონატს ბოიკოტი გამოუცხადოს პოლონეთმა და იაპონიამ.
ბრიტანეთის საგარეო საქმეთა მინისტრი 27 მარტს გამოეხმაურა იმ ქვეყნებს,რომლებმაც რუსი დიპლომატების გაძევების გადაწყვეტილება მიიღეს. ბორის ჯონსონის თქმით, „ამ დარტყმას რუსეთის დაზვერვა მრავალი წლის განმავლობაში იგრძნობს“.
ნათია კეკენაძე
