საბანკო სექტორში განთავსებული არასაბანკო დეპოზიტების მოცულობამ 2013 წლის პირველი სექტემბრისათვის 8.8 მლრდ ლარს გადააჭარბა, რაც 164.9 მლნ ლარით ანუ 1.9%-ით მეტია მიმდინარე წლის პირველი აგვისტოსათვის არსებულ მაჩვენებელზე.
ეროვნული ბანკის ცნობით, აგვისტოში, წინა თვესთან შედარებით, ადგილი ჰქონდა მოთხოვნამდე დეპოზიტების ზრდას 121.3 მლნ ლარით ანუ 3.1%-ით და ვადიანი დეპოზიტების ზრდას 43.6 მლნ ლარით ანუ 0.9%-ით.
დეპოზიტების დოლარიზაციის კოეფიციენტმა მიმდინარე წლის პირველი სექტემბრისათვის 60.75%ი შეადგინა – 1.15%-ული პუნქტით ნაკლები პირველი აგვისტოს მდგომარეობასთან შედარებით.
ვადიან დეპოზიტებზე საშუალო წლიურმა შეწონილმა საპროცენტო განაკვეთმა 6.0 პროცენტი შეადგენა, მათ შორის ეროვნული ვალუტით განთავსებულ დეპოზიტებზე – 8.5%-ი, ხოლო უცხოური ვალუტით განთავსებულ დეპოზიტებზე – 5.2%-ი.
უცხოური ვალუტით განთავსებულ დეპოზიტებში აშშ დოლარის წილმა 80.3 პროცენტი, ხოლო ევროს წილმა 17.2%-ი შეადგინა.
25.09.13
